Bilim
Bilim bólimi qyzmetkerleri memlekettiń 4 mlrd teńgesin jegen
Foto: Aıkyn. kz
Túrkistan oblysy prokýratýrasy Jetisaı aýdanynyń bilim bóliminiń qyzmetkerlerine qatysty memlekettik qarajatty asa iri mólsherde jymqyrý faktisi boıynsha sotqa deıingi tergep-tekserýdi jalǵastyryp jatyr, dep habarlaıdy Malim.kz.
Tergeý barysynda aýdandyq bilim bóliminiń basshylyǵy men esepshileri ózderiniń, sondaı-aq, týystary men tanystarynyń esepshottaryna belgilengen jalaqydan joǵary aqsha aýdarý arqyly bıýdjet qarajatyn jymqyrýdyń qylmystyq shemasyn jasaǵany anyqtalǵan. 2021-2023 jyldar aralyǵynda memleketke 4 mlrd teńgeden astam zalal keltirilgen.
Oblys prokýratýrasynyń arnaıy prokýrorlary 41 qyzmetkerdi, onyń ishinde bilim bóliminiń 2 basshysyn, 1 bas esepshi, 2 orynbasaryn jáne 36 esepshini kúdikti retinde tanydy. Aýdannyń burynǵy jáne qazirgi bilim bóliminiń basshylary ustaý ızolıatoryna jabylyp, sottyń sankııasymen qamaýǵa alyndy, dep jazylǵan resmı habarlamada.
Qazir qylmystyq jolmen alynǵan aqshany jáne ózge de múlikti zańdastyrýdyń barlyq mán-jaıy men faktisin anyqtaýǵa baǵyttalǵan tergeý áreketteri júrgizilý ústinde.
Materıaldy qoldanǵan jaǵdaıda, bastapqy 1 nemese 2-sóılemde malim.kz saıtyna gıpersilteme berýińizdi suraımyz. Avtorlyq quqyqty qurmettegenińizge alǵys aıtamyz.
