ءبىلىم
ءبىلىم ءمينيسترى گرامماتيكالىق قاتەلەرى ءۇشىن كۇلكىگە قالدى
فوتو: AFP/Andrew Caballero-Reynold/الەۋمەتتىك جەلىدەن
اقش ءبىلىم ءمينيسترى ليندا ماكماحون گارۆارد ۋنيۆەرسيتەتىنە قوقان-لوققى كورسەتىپ حات جولدعان. ۋنيۆەرسيتەت شەنەۋنىكتىڭ گرامماتيكالىق قاتەلەرىن قىزىل سيامەن كورسەتىپ, الەۋمەتتىك جەلىگە جاريالاپ جىبەردى, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
ءبىلىم ءمينيسترى ليندا ماكماحون گارۆارد ۋنيۆەرسيتەتىنىڭ پرەزيدەنتى الان گاربەرگە حات جولداپ, ۋنيۆەرسيتەت باسشىلىعىن جۇيەلى تۇردە جاسايتىن قاتەلىكتەرى مەن ولقىلىقتارى ءۇشىن ايىپتادى. ونىڭ ايتۋىنشا, گارۆارد ستۋدەنتتەر مەن قىزمەتكەرلەردى قابىلداۋ مەن جۇمىسقا الۋ كەزىندە ناسىلدىك ارتىقشىلىقتاردى العا تارتىپ, سونىمەن قاتار انتيسەميتيزمگە قارسى بەلسەندى كۇرەس جۇرگىزىپ جاتىر دەپ سىنادى.
شەنەۋنىك ءوز حاتىندا ۋنيۆەرسيتەت پرەزيدەنتى دونالد ترامپتىڭ تالاپتارىن ورىنداماعان جاعدايدا, وقۋ ورنى فەدەرالدىق ۇكىمەتتەن قارجىلاي كومەك المايتىنىن ەسكەرتتى.
سونداي-اق ماكماحون ءوز قاتەلەرىنە قاراماستان, گارۆاردتىڭ ءبىلىم بەرۋ ستاندارتتارىن مازاق ەتكەن. ول “شىرماۋىق ليگاسىن” «تۇزەتىلگەن ماتەماتيكانى» وقىتادى دەپ ايىپتاپ, مەكتەپتەگى پلاگياتتار تۋرالى كورسەتكەن.
فوتو: ۆيدەودان سكرين
شەنۋنىكتىڭ حاتى الەۋمەتتىك جەلىدە وڭباي سىنعا ۇشىرادى. ونىڭ قىزىل سيامەن بەلگىلەنگەن قاتەلەرى كوپشىلىكتىڭ تالقىسىنا ءتۇستى.
گارۆارد ۋنيۆەرسيتەتى حاتتى پروفەسسورلىق ستيلىندە تۇزەتىپ, قىزىل شيماي حاتتى ليندا ماكماحوننىڭ وزىنە قايتارىپ جىبەرگەن.
