Bilim mınıstri grammatıkalyq qateleri úshin kúlkige qaldy

Foto:  AFP/Andrew Caballero-Reynold/Áleýmettik jeliden

AQSh bilim mınıstri Lında Makmahon Garvard ýnıversıtetine qoqan-loqqy kórsetip hat joldǵan. Ýnıversıtet sheneýniktiń grammatıkalyq qatelerin qyzyl sııamen kórsetip, áleýmettik jelige  jarııalap jiberdi, dep jazdy qandastar.kz

 Bul týraly Stan.kz aqparat agenttigi habarlaıdy.

Bilim mınıstri Lında Makmahon Garvard ýnıversıtetiniń prezıdenti Alan Garberge hat joldap, ýnıversıtet basshylyǵyn júıeli túrde jasaıtyn qatelikteri men olqylyqtary úshin aıyptady. Onyń aıtýynsha, Garvard stýdentter men qyzmetkerlerdi qabyldaý men jumysqa alý kezinde násildik artyqshylyqtardy alǵa tartyp, sonymen qatar antısemıtızmge qarsy belsendi kúres júrgizip jatyr dep synady.

Sheneýnik óz hatynda ýnıversıtet prezıdenti Donald Tramptyń talaptaryn oryndamaǵan jaǵdaıda, oqý orny federaldyq úkimetten qarjylaı kómek almaıtynyn eskertti.

Sondaı-aq Makmahon óz qatelerine qaramastan, Garvardtyń bilim berý standarttaryn mazaq etken. Ol “Shyrmaýyq lıgasyn” «túzetilgen matematıkany» oqytady dep aıyptap, mekteptegi plagıattar týraly kórsetken.

Foto: Vıdeodan skrın

Shenýniktiń haty áleýmettik jelide ońbaı synǵa ushyrady. Onyń qyzyl sııamen belgilengen qateleri kópshiliktiń talqysyna tústi.

Garvard ýnıversıteti hatty professorlyq stılinde túzetip, qyzyl shımaı hatty Lında Makmahonnyń ózine qaıtaryp jibergen.