Bilim mınıstrliginde birqatar fýnkııalar ózgerdi

Endi Bilim mınıstrligi Ǵylym jáne joǵary bilim mınıstrligimen birlesip:

• jyl saıyn bilim berý uıymynyń túrleri boıynsha bilim berýdiń ortasha qunynyń uzaq merzimdi boljamdaryn ázirleıdi;
• memlekettik bilim berý jınaqtaý júıesi salasyndaǵy operatordy aıqyndaıdy;
• qarjy naryǵyn jáne qarjy uıymdaryn retteý, baqylaý jáne qadaǵalaý jónindegi ýákiletti organmen kelisim boıynsha bilim berý jınaqtaý salymdary jáne bilim berý jınaqtaryn saqtandyrý týraly úlgilik sharttardy ázirleıdi jáne bekitedi.

Bul rette erejeden 89-9-tarmaq alynyp tastaldy.

Bilim mınıstrliginiń kelesi fýnkııalary da túzetildi:

• ǵylym jáne joǵary bilim salasyndaǵy ýákiletti organmen birlesip memlekettik syılyqaqyny esepteý ádistemesin ázirleý jáne bekitý;
• ǵylym jáne joǵary bilim salasyndaǵy ýákiletti organmen birlesip operator men qatysýshy bank, operator men qatysýshy saqtandyrý uıymy, operator men qatysýshy bilim berý uıymy arasyndaǵy memlekettik bilim berý jınaqtaý júıesi salasyndaǵy yntymaqtastyq týraly úlgilik sharttardy ázirleý jáne bekitý.

Mınıstrlikke ǵylym jáne joǵary bilim salasyndaǵy ýákiletti organ ázirleıtin jáne bekitetin Bastapqy bilim berý kapıtalyn esepteý, paıdalaný jáne qaıtarý qaǵıdalaryn úılestirý ókilettigi berildi.

Buıryq 2025 jyldyń 12 naýryzynan bastap kúshine enedi.

Nazarbaev Zııatkerlik mektepteri oqytý tájirıbesin qarapaıym mektepterge kóshiretinin jazǵanbyz.