Bilim salasyndaǵy bylyq: Astanada jumys istemeıtin qyzmetkerlerge 8 mln syıaqy aýdarylǵan

Foto: ashyq derekkóz

Astana qalasy Baıqońyr aýdanynyń prokýratýrasy tekserý nátıjeleri boıynsha e bıýdjet qarajatyn jymqyrý faktilerin áshkere etti, dep jazady qandastar.kz

Jyl boıy jumys istemeıtin qyzmetkerlerge jalpy somasy 8 mln teńgeden astam jalaqy men syıaqy aýdarylǵan.

«Sot úkimimen mektep dırektory senip tapsyrylǵan bóten múlikti ıemdenip jymqyrǵany jáne laýazymdyq ókilettikterin asyra paıdalanǵany úshin kináli dep tanylyp, memlekettik qyzmette qyzmet atqarý quqyǵynan ómir boıyna aıyryla otyryp, oǵan 52,3 mln teńge kóleminde aıyppul túrindegi jaza taǵaıyndaldy. Kináli tulǵamen materıaldyq zalaldy tolyq kólemde óteldi» delingen habarda.

Úkim zańdy kúshine endi.