Bilim salasyndaǵy bylyqty jaıyp salǵan ustaz jumyssyz qaldy

Foto: jeke qorynan

Almaty qalasynyń D.Babaev atyndaǵy N115 jalpy bilim beretin mektebiniń bilikti ustazy- Meıramgúl Barqazatqyzy bilim júıesindegi bylyqty BAQ jáne áleýmettik jelide aıtqany úshin 25 jyl istegen jumysynan shyǵaryldy, dep jazdy qandastar.kz

Istiń anyq-qanyǵymen Orda.kz tilshisi tanysty.Meıramgúl Barqazatqyzy – Almaty qalasynyń D.Babaev atyndaǵy N115 jalpy bilim beretin mektebinde 1999 jyldyń qarashasynan beri jumys istep kele jatqan bilikti ustaz. 2024 jyly 2 mamyrda pedagog zeınet jasyna toldy. Oqý jylyn aıaqtap eńbek demalysynan keıin, tamyzdyń 30-y kúni mektep dırektory kelesi oqý jylyna Meıramgúlmen bir jyldyq eńbek shartyna qol qoıdy. Alaıda jyldyń ortasynda mektep ákimshiligi zeınetkerlermen eńbek shartyn buzamyz dep sheship, Meıramgúl jumysynan shyǵaryldy.

«Oqý jyly bastalǵaly beri eskertý almadym, eńbek tártibin buzǵan joqpyn, sebepsiz jumystan qalmaǵanmyn. Jeltoqsan aıynda zeınetkerlermen eńbek shartyn buzamyz degen habarlama keldi. Menen basqa mektepte bes zeınetker bar, biraq jeltoqsannyń besi kúni olardy kásipodaq qorǵap qalyp, olar jumysqa qaıta oraldy, al men jumystan shyǵaryldym. Sebebi men eki jyldan beri kásipodaq múshesi emespin»,dep sherin tarqatty ustaz.

Eńbek shartyn buzý týraly buıryqta mekeme basshysy QR Eńbek kodeksiniń 52 babynyń 1-tarmaǵy 24-tarmaqshasyna (zeınetkerlik jasqa baılanysty eńbek shartyn buzý) súıenedi. Alaıda Meıramgúlden basqa bul mektepte zeınet jastaǵy taǵy bes muǵalim qyzmet atqarady.

«Mektep basshylyǵy zeınet jasyna qatysty baptarǵa súıenip otyr. Eger bul eńbek shartynda o basta «jańa maman kelgenge deıin» nemese «ýaqytsha» degendeı  belgili bir merzimge jasalǵan eńbek sharty bolatyn edi. Al bul eńbek sharty bıylǵy tamyzda aıaqtalady. Meıramgúlge qatysty eshqandaı tártiptik jaza taǵaıyndalǵan joq, óz jumysyn durys atqaryp kele jatty, aıaq astynan jumystan shyǵarýǵa qandaı qajettilik bolǵany túsiniksiz. Kásipodaqta bolsa da, bolmasa da zań barlyǵyna birdeı»,deıdi ustazdyń advokaty Marjan Aspandııarova.

Ustaz jumysynan aıyrylýyn BAQ-na bergen suhbattary men áleýmettik paraqshasyna jarııalaǵan jazbalarymen baılanystyrady. Jazbalarynda Meıramgúl bilim salasyndaǵy kemshilikter men qatelikterdi synap jazǵan, al bul mektep ákimshiligine unamaǵan bolýy tıis.

«Aıtpańyz, jazbańyz dep aýyzsha dırektor tarapynan aıtyldy. Men pikirimniń negizi bar ekenin dáleldep berdim. Odan soń úndemedi. Áriptesterim de jelige jazba dep aıtqan. Biraq bul oqýshynyń bilim alýyna kedergi keltirgen, durys uıymdastyrylmaǵan shara bolǵandyqtan, birneshe ret jazýǵa týra keldi»,dedi muǵalim.

«Durys uıymdastyrylmaǵan shara» dep Meıramgúl Barqazatqyzy 2024-2025 oqý jylynda engizilgen «Nysanaly mektep» jobasyn aıtady. «Nysanaly mektep» – artta qalǵan nemese kemshilikteri kóp mektepterdi damytý jáne qaıta jandandyrý. Joba aıasynda Qazaqstan boıynsha 943 mektep irikteldi. Tańdalyp alynǵan mektepterdiń pedagogterine arnap biliktilikti arttyrý kýrstary uıymdastyrylǵan. Alaıda dál osy kýrstardyń uıymdastyrylýy syn kótermeıdi.

«Modýlderden (kýrstardan) ótý ýaqytyn muǵalimder ózi tańdamaıdy. Joǵary jaqtan oqý jylynyń basynda belgili bir ýaqyt beriledi. Mysaly, ýaqyt 9:30 belgilense, muǵalim sabaq berip jatsa da 9:30 da kiriýi qajet. Sabaq berip jatqan muǵalim Zoom-dy qosyp qoıady da, ary qaraı oqýshylarmen jumys isteýdi jalǵastyrady. Modýl aıaqtalǵan soń testileý bolady, modýldi tyńdamaǵan muǵalim, árıne, testileýden óte almaıdy. Pedagog birneshe áreketterde tómen kórsetkish kórsetse jumystan shyǵarylady. Qazir О́rleýde arnaýly kýrs ashylýy kerek edi, engenin-enbeginin men bilmeımin»,  deıdi Meıramgúl Barqazatqyzy.

«Nysanaly mektep» jobasy sońyna deıin oılastyrylmaǵan, kemshilikteri kóp joba deıdi ustaz. Oqylyqtary tek muǵalim jumysyna ǵana emes, balalardyń da bilim alý proesine kedergi bolatynyn aıtady.

Esepsiz qaıyrymdylyq

Oqý jylynyń ekinshi toqsanynda mektep dırektorynyń aıtýymen erikti What’sApp toby quryldy. Sol chatta mektep muǵalimderi eriktiniń mobıldi aýdarymy arqyly jeke nómirine aqshany erikti túrde salyp otyrady. Jınalǵan qarajatqa jetim, áleýmettik jaǵdaıy nashar balalarǵa azyq-túlik, kıim alyp, aqshalaı-zattaı beriledi dep sendiredi.

«Topty dırektordyń aıtýymen ashty. Aqshany erikti jınaıdy. Kúnine mólsheri 15-20 daı adam «+» qoıady,  biraq qansha salatyny belgisiz»,deıdi pedagog.

«Meıirimdilik jaqsy. Sadaqanyń da saýaby bar. Biraq shot ashylmaǵan, esebi anyq emes. Menińshe bul az qarajat bolsa da esep ashylyp, aqsha soǵan túsip, esebin jasaıtyn komıssııa bolýy kerek», – dedi Meıramgúl Barqazatqyzy.

Redakııa eriktimen baılanysqa shyǵyp, qordyń qyzmeti, muǵalimder chatyna qalaı qosylǵany jaıly aqparat alýǵa tyrysty. Alaıda, erikti qandaı da bir aqparat berýden jaltaryp, bizdi buǵattap tastady.

Meıramgúl Barqazatqyzy jumystan shyqqan kúni, mekteptiń kelisim komıssııasyna ótinish jazdy. Komıssııa otyrysy ótinish túsken kúnnen 15 kún ishinde qaralyp, ótkizilýi kerek edi, jańa jyldyq merekelerge baılanysty ótkizý kúni 22 qańtarǵa bekitildi. Alaıda jýrnalısterdiń qatysýyna qarsy bolǵan komıssııa músheleri, jınalysty 23 qańtarǵa aýystyrdy. Komıssııa otyrysy mektep qabyrǵasynda bes muǵalimniń qatysýymen ótkizildi. Sheshimi úsh kúnniń ishinde belgili bolady.

Komıssııanyń sheshimimen mektep dırektorynyń №86 buıryǵy qaıshy emes dep tanylyp, buıryq ózgerissiz qaldy.