ءبىلىم سالاسىنداعى جەمقورلىق 15,5 ملرد-تى قۇرايدى

فوتو: اشىق دەرەككوز

قازاقستاننىڭ ءبىلىم سالاسىنداعى ۇرلىق سوماسى 15,5 ملرد تەڭگەنى قۇرادى, دەپ حابارلايدى qandastar.kz سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتىنە سىلتەمە جاساپ.

«جالپى 2023 جىلدىڭ باسىنان بەرى وسى سالادا 247 قىلمىستىق ءىس تىركەلدى. ولاردان كەلتىرىلگەن شىعىن 15,5 ملرد تەڭگە بولدى» دەلىنگەن حابارلامادا.

سىبايلاس جەمقورلىققا قارسى قىزمەت ءبىلىم سالاسىنداعى جۇيەلى سىبايلاس جەمقورلىقتىڭ جولىن كەسۋ بويىنشا جۇمىسىن جالعاستىرۋدا.

مالىمەتتەرگە سايكەس, ۇرلىقتىڭ ەڭ كوپ مولشەرى جەتىسۋ, تۇركىستان, قىزىلوردا, الماتى, اقتوبە وبلىستارى مەن الماتى قالاسىندا انىقتالعان.

«قىلمىس جاساعانى ءۇشىن 327 ادام سوتتالدى, ونىڭ ىشىندە 154 ادام سوتتالىپ, ءارتۇرلى جازاعا تارتىلدى. ولاردىڭ 86-سى ەسەپشى, 17-ءسى مەكتەپكە دەيىنگى مەكەمە مەڭگەرۋشىسى, 13-ءى مەكتەپ جانە كوللەدج ديرەكتورلارى, ءتورت ءبىلىم ءبولىمىنىڭ باسشىسى جانە باسقالارى بار» دەلىنگەن حابارلامادا.

قازىرگى ۋاقىتتا 195 ەسەپشى, 26 مەكتەپ جانە كوللەدج ديرەكتورى, 21 مەكتەپكە دەيىنگى مەكەمە مەڭگەرۋشىسى, 17 كاسىپكەر, 17 ءبىلىم ءبولىمىنىڭ باسشىسى تەرگەۋدە جانە كۇدىكتى رەتىندە تانىلعان