Bilim salasyndaǵy jemqorlyq 15,5 mlrd-ty quraıdy

Foto: ashyq derekkóz

Qazaqstannyń bilim salasyndaǵy urlyq somasy 15,5 mlrd teńgeni qurady, dep habarlaıdy qandastar.kz Sybaılas jemqorlyqqa qarsy is-qımyl agenttiginiń baspasóz qyzmetine silteme jasap.

«Jalpy 2023 jyldyń basynan beri osy salada 247 qylmystyq is tirkeldi. Olardan keltirilgen shyǵyn 15,5 mlrd teńge boldy» delingen habarlamada.

Sybaılas jemqorlyqqa qarsy qyzmet bilim salasyndaǵy júıeli sybaılas jemqorlyqtyń jolyn kesý boıynsha jumysyn jalǵastyrýda.

Málimetterge sáıkes, urlyqtyń eń kóp mólsheri Jetisý, Túrkistan, Qyzylorda, Almaty, Aqtóbe oblystary men Almaty qalasynda anyqtalǵan.

«Qylmys jasaǵany úshin 327 adam sottaldy, onyń ishinde 154 adam sottalyp, ártúrli jazaǵa tartyldy. Olardyń 86-sy esepshi, 17-si mektepke deıingi mekeme meńgerýshisi, 13-i mektep jáne kolledj dırektorlary, tórt bilim bóliminiń basshysy jáne basqalary bar» delingen habarlamada.

Qazirgi ýaqytta 195 esepshi, 26 mektep jáne kolledj dırektory, 21 mektepke deıingi mekeme meńgerýshisi, 17 kásipker, 17 bilim bóliminiń basshysy tergeýde jáne kúdikti retinde tanylǵan