بىلىمدەگى بىلىق: ديرەكتور قىزمەتىن اسىرا پايدالانىپ, مۇعالىمدەرگە ايىپپ ۇلىن تولەتىپ, اقشا جيناعان

فوتو: اشىق دەرەككوز

ماڭعىستاۋ وبلىسى مۇنايلى اۋدانىنىڭ پروكۋراتۋراسى «N3 مامانداندىرىلعان مەكتەپ» كمم-دە زاڭ بۇزۋشىلىقتاردى انىقتادى, – دەپ حابارلايدى qandastar.kz.

انىقتالعانداي, مەكتەپ باسشىلىعى مۇعالىمدەردەن زاڭسىز اقشا جينادى دەپ ايىپتالۋدا.

باسشىلىق ءموبيلدى بانكينگ قوسىمشالارى ارقىلى مۇعالىمدەردەن ۇنەمى اقشا تالاپ ەتىپ وتىرعان.

جالعان بۇيرىق نەگىزىندە اقشا اۋدارىمدارى جاسالعان, كەيبىر قىزمەتكەرلەرگە نەگىزسىز سىياقى تولەنگەن جاعدايلار دا انىقتالدى.

جۇرتتى شۋلاتقان جايتتىڭ ءبىرى – ديرەكتور مۇعالىمدەردى ءوزىنىڭ اكىمشىلىك ايىپپ ۇلىن تولەۋگە ماجبۇرلەگەن.