Bıologııalyq anasyn izdep júrgen Jánibek Savelev Qazaqstanǵa qaıta keldi

Ol búgin Astanada «Qazaqstan» teleradıokorporaııasynyń «Qazaq radıolary» ótkizetin «Myń alǵys» sharasyna qatysady dep josparlanǵan.

Qazaq radıosynyń «Barmysyń, baýyrym?» habary arqyly anasyn izdegen Jánibektiń arqasynda 2001-2002 jyldary Arqalyqta dúnıege kelgen 4 balanyń týǵan anasy anyqtaldy. Bir ul Kanadada, eki ul Belgııada jáne taǵy bir ul Qazaqstanda turyp jatyr.

Jánibektiń óz anasyna qatysty zertteý jumystary jalǵasýda.

«Myń alǵys» sharasynda Jánibekten bólek, 1930 jyldary ata-babasy Qazaqstanǵa qonys aýdarǵan túrik etnosynyń ókili Iasha Qoshalıoǵly, donorlyq organmen ómir súrip júrgen almatylyq Svetlana Kaıpova men Danııar Baıbýlaev, 25 bala asyrap alǵan aqtóbelik Jetesovter otbasy men Astanada turǵyn úıden shyqqan órt kezinde besinshi qabatta qalǵan turǵyndy aman alyp qalǵan qutqarýshy Ǵalymbek О́teshev qonaq bolady.