«ءبىر قازاعى جوق اۋىلداردار بار: بۋراحان داقانوۆ سولتۇستىك ءوڭىردىڭ جاعدايىن ايتتى

فوتو: ۆيدەودان سكرينشوت

كوپشىلىكتى تەرىسكەيگە كوشۋگە شاقىرىپ جۇرگەن قوعام بەلسەندىسى, «تاۋەكەل» قوعامدىق ۇيىمىنىڭ جەتەكشىسى بۋراحان داقانوۆ «Sadaq» مەديا اگەنتتىگىنىڭ «ءدۇربى» باعدارلاماسىنا بەرگەن سۇحباتىندا «سولتۇستىكتەگى حالىقتى ورىستانىپ كەتتى» دەپ ويلايتىن جۇرتقا جاۋاپ بەردى. 

ونىڭ ايتۋىنشا, وڭتۇستىكتەگى حالىق سولتۇستىكتەگى قازاقتار تۋرالى وتە قاتە پىكىردە.

«سولتۇستىكتە بىردە-ءبىر ورىسى جوق قازاق اۋىلدارى بار. سالت-ءداستۇردى كەرەمەت ساقتاعان. سوعىمدى جاقسى جەيدى. بىراق, ءبىر قازاعى جوق ورىس اۋىلدار بار. تەك شىركەۋى عانا تۇرادى.

مەن مۇسىلماندارعا دا ايتامىن, «سولتۇستىككە كەلىپ مەشىت سالىڭدار, جاماعاتتارىڭدى كوشىرىڭدەر» دەپ. ايتپەسە, شىركەۋدىڭ قوڭىراۋىنىڭ عانا داۋىسى شىعىپ تۇراتىن اۋىلدار بار», – دەيدى بەلسەندى.

سونداي-اق ول سۇحباتىندا سولتۇستىك قازاقستان وبلىسىنداعى ءۇش داراگەردىڭ بىرەۋى وڭتۇستىك وڭىردەن كوشىپ كەلگەنىن ايتتى.

«ءۇش مۇعالىمنىڭ نەمەسە ءۇش پوليتسەيدىڭ بىرەۋى وڭتۇستىكتەن كوشىپ كەلگەن», – دەيدى ول.

بۋراحان داقانوۆ سولتۇستىككە كوش ماسەلەسىن تاريحي جايت دەپ ەسەپتەيتىنىن اتاپ ءوتتى.