«Bir qazaǵy joq aýyldardar bar: Býrahan Daqanov soltústik óńirdiń jaǵdaıyn aıtty

Foto: vıdeodan skrınshot

Kópshilikti teriskeıge kóshýge shaqyryp júrgen qoǵam belsendisi, «Táýekel» qoǵamdyq uıymynyń jetekshisi Býrahan Daqanov «Sadaq» medıa agenttiginiń «Dúrbi» baǵdarlamasyna bergen suhbatynda «soltústiktegi halyqty orystanyp ketti» dep oılaıtyn jurtqa jaýap berdi. 

Onyń aıtýynsha, ońtústiktegi halyq soltústiktegi qazaqtar týraly óte qate pikirde.

«Soltústikte birde-bir orysy joq qazaq aýyldary bar. Salt-dástúrdi keremet saqtaǵan. Soǵymdy jaqsy jeıdi. Biraq, bir qazaǵy joq orys aýyldar bar. Tek shirkeýi ǵana turady.

Men musylmandarǵa da aıtamyn, «soltústikke kelip meshit salyńdar, jamaǵattaryńdy kóshirińder» dep. Áıtpese, shirkeýdiń qońyraýynyń ǵana daýysy shyǵyp turatyn aýyldar bar», – deıdi belsendi.

Sondaı-aq ol suhbatynda Soltústik Qazaqstan oblysyndaǵy úsh dárágerdiń bireýi ońtústik óńirden kóship kelgenin aıtty.

«Úsh muǵalimniń nemese úsh polıeıdiń bireýi ońtústikten kóship kelgen», – deıdi ol.

Býrahan Daqanov soltústikke kósh máselesin tarıhı jaıt dep esepteıtinin atap ótti.