ءبىر كەرەۋەت — 1,2 ميلليون تەڭگە: قىزىلورداداعى اۋرۋحانادا بيۋدجەت اقشاسى ۇرلانعان

فوتو: Dalanews

قىزىلورداداعى اۋرۋحانادا بيۋدجەت اقشاسى ۇرلانعان,— دەپ حابارلايدى qandastar.kz Dalanews.kz-كە سىلتەمە جاساپ. 

قارجىلىق مونيتورينگ اگەنتتىگى «قىزىلوردا وبلىستىق ينفەكتسيالىق اۋرۋحاناسى» شجق مكك-نىڭ لاۋازىمدى تۇلعالارىنا قاتىستى اسا ءىرى كولەمدەگى بيۋدجەت قاراجاتىن جىمقىرۋ دەرەگى بويىنشا تەرگەۋدى اياقتادى.

اۋرۋحانانىڭ باس ەسەپشىسى مەديتسينالىق كەرەۋەتتى ساتىپ الۋ باعاسىن ءۇش ەسەگە كوتەرۋ ارقىلى مەملەكەت قارجىسىن جىمقىرعان.

«تەندەر ناتيجەسىندە جشس مەن اۋرۋحانا اراسىندا جالپى قۇنى 259 ملن تەڭگەگە 220 مەديتسينالىق كەرەۋەت ساتىپ الۋعا شارت جاسالعان. ءبىر كەرەۋەتتىڭ باعاسى 1,2 ميلليون تەڭگە دەپ كورسەتىلگەن. بىراق شىن مانىندە ونىڭ ناقتى ساتىپ الۋ باعاسى 460 مىڭ تەڭگەدەن اسپاعان, ياعني كورسەتىلگەن باعادان ءۇش ەسە ارزان بولعان. وسىلايشا نەگىزسىز قوسىلعان شىعىن كولەمى 129 ملن تەڭگەگە جەتتى. تەرگەۋ بارىسىندا كۇدىكتىلەردىڭ 111 ملن تەڭگە تۇراتىن مۇلكىنە تىيىم سالىندى», — دەپ جازىلعان حابارلامادا.

مەملەكەتكە كەلتىرىلگەن 129 ملن تەڭگە كولەمىندەگى زالال تولىق كولەمدە وتەلدى. باس ەسەپشى 2 اي مەرزىمگە قاماۋعا الىندى. قىلمىستىق ءىس سوتقا جولداندى.