جاڭالىقتار
ءبىر كۇندە 23 ءتىسىن جۇلدىرىپ, 12 يمپلانت سالعىزعان ەر ادام قايتىس بولدى
فوتو: massaget.kz
قىتايدىڭ چجەتسنيان پروۆينتسياسىنا قاراستى تسزينحۋا قالاسىنىڭ تۇرعىنى ءتىسىن رەتكە كەلتىرۋدى ءجون كورىپ, ءوزى قالاعان ناتيجەگە بىردەن قول جەتكىزبەك بولعان, دەپ حابارلادى qandastar.kz Massaget.kz-كە سىلتەمە جاساپ.
حۋان ەسىمدى ەر ادام Yongkang Deway Dental Hospital ستوماتولوگيالىق ەمحاناسىنا بارىپ, ءبىر كۇندە 23 ءتىسىن الدىرىپ, 12 يمپلانت سالعىزعان.
حۋاننىڭ تۋىستارى مۇنشا ازاپتاۋدان كەيىن ونىڭ ۇزدىكسىز قاتتى اۋىرىپ جۇرگەنىن, ال 13 كۇننەن كەيىن جاعدايدىڭ تىپتەن قايعىلى اياقتالعانىن ايتادى. بەلگىلى بولعانداي, ەر ادامنىڭ جۇرەگى توقتاپ قايتىس بولعان.
«بۇگىندە Yongkang Deway ستوماتولوگيالىق ەمحاناسىنا قاتىستى تەرگەۋ باستالدى. ازىرگە بەلگىلى بولعانى, ناۋقاستى ەمدەگەن دارىگەردىڭ تاجىريبەلى بولعانى جانە پاتسيەنتتىڭ وسىنشالىقتى قاۋىپتى ەمگە ءوز كەلىسىمىن بەرگەنى», – دەلىنگەن حابارلامادا.
جەلى قولدانۋشىلارى دارىگەردىڭ وزىنەن كومەك سۇراپ كەلگەن ناۋقاستى اياۋسىز قورلاعانىن ايتىپ, قۇزىرلى ورگانداردان وعان قاتاڭ جازا قولدانۋدى سۇراعان.
سونداي-اق قايعىلى وقيعا تۋرالى جازبانىڭ استىنا ءتىس دارىگەرلەرى دە پىكىر ءبىلدىرىپ, ءبىر ۋاقىتتا ەڭ كوبى ءۇش ءتىستى الۋعا دايىن ەكەنىن, وندا دا ول تىستەر بوساپ تۇرسا عانا الۋعا بولاتىنىن, ال بىردەن 23 ءتىستى ج ۇلىپ تاستاۋ اسقان سوراقىلىق ەكەنىن جازعان.
