Bir kúnde 23 tisin juldyryp, 12 ımplant salǵyzǵan er adam qaıtys boldy

Foto:  massaget.kz

Qytaıdyń Chjenıan provınııasyna qarasty zınhýa qalasynyń turǵyny tisin retke keltirýdi jón kórip, ózi qalaǵan nátıjege birden qol jetkizbek bolǵan, dep habarlady qandastar.kz Massaget.kz-ke silteme jasap.

Hýan esimdi er adam Yongkang Deway Dental Hospital stomatologııalyq emhanasyna baryp, bir kúnde 23 tisin aldyryp, 12 ımplant salǵyzǵan.

Hýannyń týystary munsha azaptaýdan keıin onyń úzdiksiz qatty aýyryp júrgenin, al 13 kúnnen keıin jaǵdaıdyń tipten qaıǵyly aıaqtalǵanyn aıtady. Belgili bolǵandaı, er adamnyń júregi toqtap qaıtys bolǵan.

«Búginde Yongkang Deway stomatologııalyq emhanasyna qatysty tergeý bastaldy. Ázirge belgili bolǵany, naýqasty emdegen dárigerdiń tájirıbeli bolǵany jáne paıenttiń osynshalyqty qaýipti emge óz kelisimin bergeni», – delingen habarlamada.

Jeli qoldanýshylary dárigerdiń ózinen kómek surap kelgen naýqasty aıaýsyz qorlaǵanyn aıtyp, quzyrly organdardan oǵan qatań jaza qoldanýdy suraǵan.

Sondaı-aq qaıǵyly oqıǵa týraly jazbanyń astyna tis dárigerleri de pikir bildirip, bir ýaqytta eń kóbi úsh tisti alýǵa daıyn ekenin, onda da ol tister bosap tursa ǵana alýǵa bolatynyn, al birden 23 tisti julyp tastaý asqan soraqylyq ekenin jazǵan.