«ءبىر كۇنى ايەلدى بوساندىرىپ جۇرمەسىن»: بەكبولات تىلەۋحان الماتىعا كەلىپ, ءسابيدى قىرقىنان شىعاردى

فوتو: اشىق دەرەككوز

پسيحولوگ, 7 بالانىڭ اناسى نۇرگۇل داۋباەۆا ءسۇت كەنجەسىنىڭ قىرقىنان شىعارۋ ءراسىمىن ەكس-دەپۋتات بەكبولات تىلەۋحان مەن ونىڭ ايەلىنە جاساتقان, دەپ حابارلايدى Azattyq Rýhy.

«اللانىڭ بۇيىرتقانى, الماتىدا ءاسانالىنىڭ قىرىق كۇنگە تولعان ماڭىزدى كۇنىندە كىندىك اكە-كىندىك اناسى بەكبولات اعامىز بەن كەنجە اپكەم قارىن شاشىن, تىرناعىن الىپ, ءبىر ۇلكەن ءىس اتقاردى», – دەپ جازدى داۋباەۆا.

بەكبولات تىلەۋحاننىڭ ءوزى ءسابيدىڭ شاشىن قيىپ, تىرناعىن العان. الايدا بۇل ارەكەتتى وقىرماندار تۇسىنبەيتىنىن جازعان.

«و زامان دا, بۇ زامان, ەركەك قىرقىنان شىعارعاندى ءبىرىنشى رەت كورىپ تۇرمىن. ەركەك, ەر ادام قىرقىنان شىعارمايدى عوي. كۇننەن-كۇنگە نەشە ءتۇرلىنى شىعارادى. بەكبولات جۇمىس اۋىستىرعان با, ءبىر كۇنى ايەلدەردى بوساندىرىپ جۇرسە, تاڭعالمايمىن. سالتتى بەكەر بۇرمالادىڭ. كىندىك اتاسى دەگەنى نەسى, نەشە ءتۇرلىنى شىعارادى. قوشەمەتكە لايىقتى ادام تاپقان ەكەنسىڭدەر», – دەپ جازدى ولار.

كەيىن تىلەۋحان ءسابيدىڭ اتىن ازان شاقىرىپ, «ءاسانالى» دەپ قويىپ بەرەدى.