«Bir kúni áıeldi bosandyryp júrmesin»: Bekbolat Tileýhan Almatyǵa kelip, sábıdi qyrqynan shyǵardy

Foto: ashyq derekkóz

Psıholog, 7 balanyń anasy Nurgúl Daýbaeva sút kenjesiniń qyrqynan shyǵarý rásimin eks-depýtat Bekbolat Tileýhan men onyń áıeline jasatqan, dep habarlaıdy Azattyq Rýhy.

«Allanyń buıyrtqany, Almatyda Asanáliniń qyryq kúnge tolǵan mańyzdy kúninde kindik áke-kindik anasy Bekbolat aǵamyz ben Kenje ápkem qaryn shashyn, tyrnaǵyn alyp, bir úlken is atqardy», – dep jazdy Daýbaeva.

Bekbolat Tileýhannyń ózi sábıdiń shashyn qıyp, tyrnaǵyn alǵan. Alaıda bul áreketti oqyrmandar túsinbeıtinin jazǵan.

«O zaman da, bu zaman, erkek qyrqynan shyǵarǵandy birinshi ret kórip turmyn. Erkek, er adam qyrqynan shyǵarmaıdy ǵoı. Kúnnen-kúnge neshe túrlini shyǵarady. Bekbolat jumys aýystyrǵan ba, bir kúni áıelderdi bosandyryp júrse, tańǵalmaımyn. Saltty beker burmaladyń. Kindik atasy degeni nesi, neshe túrlini shyǵarady. Qoshemetke laıyqty adam tapqan ekensińder», – dep jazdy olar.

Keıin Tileýhan sábıdiń atyn azan shaqyryp, «Asanáli» dep qoıyp beredi.