«Bir tisi joq adamǵa breket ornatqan»: Otbasy bank zeınetaqy aqshasyna nege tis emdeýge bolmaıtynyn túsindirdi

Foto: istockphoto.com

Otbasy banki “Úkimet osy sebepti tis emdeýge arnalǵan zeınetaqy tólemin ýaqytsha toqtatý týraly sheshim shyǵardy” dep túsindiredi.

О́ıtkeni 2024 jyldyń ózinde emdelýge 435,1 mlrd teńge birjolǵy zeınetaqy tólemderi paıdalanylǵan. Bul somanyń shamamen 98% stomatologııalyq qyzmetterge ketken. Degenmen emdelýge jumsaǵan birjolǵy zeınetaqy tólemderin tekserý kezinde qarjyny maqsatsyz paıdalaný jaǵdaılary anyqtalǵan. Iaǵnı keıbir klınıkalar zeınetaqy jınaqtaryn qolma-qol aqsha túrinde shyǵaryp alýǵa kómektesken.

Bank bul faktilerdi qalaı anyqtaǵan:

-stomatologııalyq klınıkalardyń ornalasý mekeni klıentterdiń turatyn jerine jáne medıınalyq tirkeýge sáıkes kelmegen;

-klınıka klıenti boldyq degen azamattar ony kórsetilgen stomatologııalyq qyzmetter alý týraly anyqtamalarmen rastamaǵan;

-birqatar klıent ózderiniń zeınetaqy tólemderin eshqandaı stomatologııalyq qyzmet almaı, deldaldar arqyly jáne aqshalaı syıaqy tólep alǵandaryn túsindirgen;

-BZT qarajaty esebinen emdelý úshin, mindetti qujattardyń tizbesine kiretin, azamattardyń medıınalyq tirkelgen jeri boıynsha dárigerlik komıssııalardyń qorytyndylarynda qol qoıýǵa quqyǵy joq sondaı-aq dárigerlik komıssııanyń músheleri bolyp tabylmaıtyn, tipti medıınalyq mekemede jumys istemeıtin adamdardyń qoldary turǵan.