Qarjy jáne tólemder
Bir jylda Qazaqstanda páter baǵasy qalaı ósti – statıstıka
Foto:Ulysmedia.kz
Naýryz aıynda Qazaqstanda turǵyn úı baǵasynyń ósýi baıaýlady. Eger byltyrǵy qyrkúıekten bastap páterler aıyna shamamen 1% qymbattasa, bıyl naýryzda bul kórsetkish nebary 0,4% boldy, dep habarlaıdy qandastar.kz Ulysmedia.kz-ke silteme jasap.
BIR AIDAǴY О́ZGERIS
Krisha.kz sarapshylary elimizde baspana baǵasynyń eń joǵary ósimi Taraz ben Qostanaıda +2,2%, sondaı-aq Aqtóbede +2,1% tirkelgenin atap ótti. Al keıbir iri qalalarda baǵa kerisinshe tómendegen. Máselen, páterler Shymkentte – 2,7%, Almatyda – 0,6%, Atyraýda – 0,4% arzandaǵan.
BIR JYLDAǴY О́ZGERIS
Qazaqstan boıynsha bir jylda turǵyn úı baǵasy orta eseppen 6%-ǵa ósken.
Baǵa tómendegen jalǵyz qala — Qaraǵandy (1,4 %). Qalǵan aımaqtarda ósý baıqaldy.
Aıtarlyqtaı qymbattaý Aqtaýda boldy, onda jyljymaıtyn múlik quny 17,8%-ǵa shyrqaǵap ketken. Astana, Oral, Petropavl jáne Qostanaıda baǵa 9,4–11,3% aralyǵynda ósti.
Almatyda turǵyn úı 4,2%-ǵa, Shymkentte 6,2%-ǵa qymbattady.
Esterińizge sala keteıik, qańtarǵa qaraı Qazaqstanda qaıtalama turǵyn úıdiń ortasha quny bir sharshy metr úshin 516 203 teńgege jetti.
