«Bireýdiń murnyn buzǵan úshin mashına, 100 jylqy berdi»: Asqar Jumadildaev Olımpıada júldegerlerin synady

foto: vıdeodan skrınshot

Belgili akademık, matematık Asqar Jumadildaev sportshylarǵa qymbat syılyq beretin Úkimetti synady.

Ol «Oı-laıyq» podkasynda sportshylarǵa jasalatyn jaǵdaı bilimdi balalarǵa jasalmaıtynyna qynjylatynyn bildirdi.

Osy joly da Olımpıadada chempıon shyqty. Bireýdiń murnyn buzyp edi, oǵan mashına da berdi, júz jylqyny da berdi, túıeni de berdi – bárin de beredi. Oılap qarasańyz, osyndaı jetistikterge matematık balalarymyz da jetip jatyr ǵoı. Matematıkadan jyl saıyn utyp jatyr. Nege solarǵa eń bolmaǵanda bireýi bir velosıped bermeıdi? Naǵyz baı adam, meenat bolsa nege matematık balalardy qoldamaıdy? Bir sportshy shyqsa, oǵan úıip-tógip Úkimet te beredi, keıin dopıng bolyp shyǵa keledi. Kezinde búkil ziltemirshi dopıng paıdalanǵany anyqtalyp, biraq eshqaısysy syılyǵyn qaıtarǵan joq, – dedi ǵalym.

Aıta keteıik, Parıj Olımpıadasynda Qazaqstan 7 medalǵa ıe boldy. Onyń bireýi – altyn, úsheýi – kúmis, úsheýi – qola. Memleket tarapynan chempıon Eldos Smetovke 250 myń dollar, kúmis júldegerler 150 myń dollar, qola medal ıelerine 75 myń dollar jáne árqaısysyna páter beriledi. Sondaı-aq, olarǵa demeýshiler men jergilikti ákimdik tarapynan da syı-syıapattar jasalyp jatyr.