«ءبىرىنشى راۋند ءبارىن قۇرتتى»: ماحمۇد سابىرحان تورەشىلەر جەڭىستى قارسىلاسقا بەرىپ جىبەرگەنىن ايتتى

فوتو: egemen.kz

قازاقستاندىق بوكسشى پاريج وليمپياداسىنداعى العاشقى جەكپە-جەگىندە جەڭىلىپ قالعانىنا قاتىستى پىكىر ءبىلدىردى, دەپ حابارلايدى Skifnews.kz اقپارات پورتالى.

ماحمۇد سابىرحان 1/8 فينالدا يسپانيالىق حوسە كيلەسپەن جۇدىرىقتاسىپ, 4:1 ەسەبىمەن جەڭىلىپ قالعان ەدى.

ء«بىرىنشى راۋندتا يسپانيالىققا 5:0 ەسەبىمەن جەڭىستى بەرىپ جىبەردى. سول ءبىرىنشى راۋند ءبارىن قۇرتتى. ءبىرىنشى راۋندتا جەڭگەندەي بولىپ ەدىم. ەكىنشى كەزەڭدە دە جەڭدىم با دەپ ەدىم, ونى دا قارسىلاسقا بەردى. ءۇشىنشى راۋند ەشتەڭە شەشپەيتىنىن ءبىلدىم. وسىمەن وليمپيادانى اياقتادىم, بار كۇشىمدى سالدىم», – دەدى ماحمۇد «حابار» اگەنتتىگىنە بەرگەن سۇقباتىندا.

ايتا كەتەيىك, وسىعان دەيىن قازاقستاندىق بوكسشىلاردىڭ ىشىنەن اسلانبەك شىمبەرگەنوۆ (71 كگ دەيىن), قامشىبەك قوڭقاباەۆ (+92 كگ) وليمپيادانى اياقتاعان ەدى.