Birinshi vıe-premer Roman Sklıar Aqtóbe oblysyndaǵy sý tasqyny jaǵdaıymen jáne júrgizilip jatqan jumystardy úılestirý barysymen tanysty

Jumys sapary barysynda birinshi vıe-premer Aqtóbe sý qoımasynyń aǵymdaǵy jaı-kúıin tekserdi, ol erigen qar sýynyń shamadan tys jınalýy saldarynan tolyp ketken. Sý qoımasyndaǵy sýdy aǵyzyp jiberý nátıjesinde Elek jáne Qarǵaly ózenderiniń boıynda ornalasqan Aqtóbe qalasynyń saıajaılary sý astynda qaldy. Qazirgi ýaqytta sý qoımasy 100%-ǵa tolǵan, sý gıdrotehnıkalyq qurylystar arqyly sekýndyna 1 000 tekshe metr qarqynmen jiberilip jatyr. R. Sklıar sý qoımasynyń jaǵdaıyna turaqty túrde monıtorıng júrgizýdi, al sý jiberý boıynsha barlyq jumysty jergilikti atqarýshy organdarmen kelisýdi tapsyrdy.

Sonymen qatar jumys sapary barysynda TJM ókilderimen birge Sazdy sý qoımasyn, Qarǵaly jáne Elek ózenderiniń boıyndaǵy baý-baqsha jáne turǵyn alaptaryn tikushaqpen aralap ushyp shyqty. Alǵa aýdanyndaǵy qorǵanys bógetteri tekserildi.

Búgingi jaǵdaı boıynsha oblystyń úsh aýdanynda (Qobda, Muǵaljar, Temir) jáne Aqtóbe qalasynda jergilikti deńgeıdegi tabıǵı sıpattaǵy TJ jarııalandy. 6 aýdanda elektr qýaty apatty túrde ajyratylyp, 200-ge jýyq úı sý astynda qaldy, 2 870 adam evakýaııalandy.

Sý tasqyny saldaryn joıý jumystaryn jedeldetý úshin Aqtóbe oblysyna shamamen 220 adam jáne 25-ten astam tehnıkadan jasaqtalǵan Mańǵystaý oblysy TJD, 52859, 20982 áskerı bólimderiniń kúshteri men quraldary jiberildi. Jalpy óńirdegi sý tasqynyna qarsy is-sharalarǵa barlyǵy 1 735 adam, 350 tehnıka men 62 motopompa jumyldyrylǵan.

Memlekettik organdardyń barlyq kúsh-jigeri sý tasqynynyń saldaryn barynsha azaıtýǵa baǵyttalǵan. Zardap shekkenderge Úkimet pen ákimdikter tarapynan qajetti kómek kórsetiletin bolady.