Birqatar qazaqstandyqtarǵa mindetti áleýmettik medıınalyq saqtandyrý jarnasy qaıtaryldy

Foto: baq.kz

Aqmola prokýratýrasy mindetti áleýmettik medıınalyq saqtandyrý jarnasyn aýdarýda birqatar zań buzýshylyqtar anyqtady. Bul týraly Stan.kz aqparat agenttigi habarlaıdy.

Prokýratýra MÁMS salasyndaǵy zańdylyqtyń jaı-kúıine taldaý júrgizdi.

“Jumys berýshiler kópbalaly (altydan astam bala tárbıelep otyrǵan) analardan, erekshe kútimdi qajet etetin jandardan jáne tólemnen bosatylǵan kúndizgi bólimde oqıtyn stýdentterden MÁMS jarnasyn negizsiz ustaǵany anyqtaldy, – delingen habarlamada.

Mysaly, kópbalaly ananyń jumys berýshisi áleýmettik medıınalyq saqtandyrý qoryna 31 243 teńge aýdarǵan. Odan bólek erekshe kútimdi qajet etetin adamnan qordyń paıdasyna 82 306 teńge mólsherinde jarnalar ustalǵan. Prokýratýranyń málimetinshe, múndaı derekter az emes.

Nátıjesinde jeńildetilgen sanattaǵy 436 qazaqstandyqqa zańsyz ustalǵan aqsha qaıtaryldy. Qaıtarylǵan jarnanyń jalpy somasy 60 mıllıon teńgeden asty.