Birneshe aı buryn joǵalyp ketken jigit óli tabyldy

Qostanaı oblysynda 2024 jyldyń kúzine qaraı iz-túzsiz joǵalǵan 24 jastaǵy jigit óli kúıinde tabyldy, dep habarlaıdy Qandastar.kz. «Regıon-10» eriktiler jasaǵyna silteme jasap.

1999 jyly týǵan Nasıf Magerramov 2024 jylǵy 21 qyrkúıekte saǵat 17:00 shamasynda Qostanaı aýdanyna qarasty Maıkól aýylyndaǵy úıinen belgisiz baǵytqa shyǵyp, qaıta oralmaǵan.

«Ol joǵalǵan 21 qyrkúıek kúninen bastap ony týǵan-týystary, polıııa, eriktiler jáne biz – volonterler izdedik. Biz úmitimizdi úzbegen edik, biraq, ókinishke qaraı, bul oqıǵa qaıǵyly aıaqtaldy. Búkil jasaq atynan otbasy men jaqyndaryna shyn júrekten kóńil aıtamyz. Biz sizdermen birge qaıǵyramyz. Nasıf týraly jarqyn estelik júregimizde saqtalady. Izdeý jumysyna atsalysqan, aqparatpen bólisken, beıjaı qaramaǵan ár adamǵa alǵys aıtamyz. Bir-birińizge qamqor bolyńyzdar», – dep jazdy «Regıon-10» eriktiler jasaǵy ózderiniń Instagram paraqshasynda.