“بىرنەشە بالا جوعالىپ كەتتى”. اقتاۋدا تەگىن بالمۇزداققا تالاسقانداردىڭ ارەكەتى كوپتىڭ اشۋىنا ءتيدى

فوتو: سكرين

اقتاۋدا بالالاردى قورعاۋ كۇنىنە ارنالعان مەرەكەلىك شارا ابىر-سابىرعا ۇلاستى. بۇل تۋرالى Lada.kz حابارلادى, دەپ جازادى qandastar.kz

كۋاگەرلەردىڭ الدىن الا مالىمەتىنشە, «تولقىن-1» شاعىناۋدانىنداعى «Abu Baby» بالالار كيىم دۇكەنىنىڭ الدىندا جەرگىلىكتى كاسىپكەر بالالارعا تەگىن بالمۇزداق پەن ءتاتتى ماقتا تاراتىپ, ويىن-ساۋىق ۇيىمداستىرعان.

الايدا بۇل باستاما ۇلكەن شۋ تۋعىزىپ, دۇكەن ماڭىندا حالىق لىق تولىپ, ناعىز دۇرلىكپە بولدى.

وكىنىشكە قاراي, توي-دۋمان وقىس وقيعامەن اياقتالدى – كوپشىلىكتىڭ ورتاسىندا بىرنەشە بالا جوعالىپ كەتكەن. قازىر وقيعا ورنىندا پوليتسيا قىزمەتكەرلەرى جۇمىس ىستەۋدە, ءتارتىپتى قاداعالاۋدا.

قالالىق اكىمدىك پەن پوليتسيا دەپارتامەنتى ازىرگە جاعدايعا قاتىستى رەسمي تۇسىنىكتەمە بەرگەن جوق.