بيشىمباەۆ 1,6 ميلليون تەڭگە مولشەرىندەگى اليمەنتتى قايتا قاراۋدى سۇراپ, سوتقا ارىز بەردى

فوتو: جوعارعى سوت

قۋاندىق بيشىمباەۆ بالالارىنا تولەيتىن 1,6 ميلليون تەڭگە مولشەرىندەگى اليمەنتتى قايتا قاراۋدى سۇراعان. سوت ونىڭ اليمەنت كولەمىن قىسقارتۋ تۋرالى ارىزىن قاناعاتتاندىرۋدان باس تارتتى, دەپ جازدى

سەبەبى ول وزىنە تيەسىلى م ۇلىكتى باسقالارعا جازىپ بەرگەن. بۇل تۋرالى Stan.kz اقپارات اگەنتتىگى حابارلايدى.

استانا قالاسىنىڭ كامەلەتكە تولماعانداردىڭ ىستەرى جونىندەگى مامانداندىرىلعان اۋدانارالىق سوتى قۋاندىق بيشىمباەۆتىڭ اليمەنت تولەۋ تۋرالى نوتارياتتىق كەلىسىمنىڭ تالاپتارىن وزگەرتۋ تۋرالى تالاپ قويۋى بويىنشا ازاماتتىق ءىستى قارادى.

2020 جىلى بۇرىنعى ەرلى-زايىپتى اراسىندا نوتارياتتىق كەلىسىم جاسالعان, ونىڭ شارتتارى بويىنشا اكەسى كامەلەتكە تولماعان ءۇش بالاعا ار ايدىڭ 20-كۇنىنە دەيىن اي سايىن 1,6 ملن تەڭگە مولشەرىندە اليمەنت تولەۋگە مىندەتتەلگەن.

بيشىمباەۆ اليمەنت مولشەرىن ازايتۋ ارقىلى اتالعان كەلىسىمدى وزگەرتۋدى سۇرادى. وعان تۇرمەدە وتىرۋى جانە جۇمىسقا ورنالاسپاعانى سەبەپ بولعان.

سونداي-اق تالاپ قويۋشى كەلىسىمنەن كەلەسىلەرگە قاتىستى ەرەجەلەردى الىپ تاستاۋدى سۇرادى:

— بالالاردى اقىلى وقۋ ورنىندا وقىتۋعا, ونىڭ ىشىندە ولار كامەلەتكە تولعاننان كەيىن قوسىمشا شىعىستاردى تولەۋ;

— بالالاردى مەديتسينالىق تەكسەرۋگە جانە ەمدەۋگە بايلانىستى شىعىندار;

— تۇرۋ, تاماقتانۋ, ساقتاندىرۋ, كولىك جانە باسقا دا شىعىنداردى قوسا العاندا, قازاقستاندا دا, شەتەلدە دە بالالاردىڭ دەمالىسىن جىلىنا كەمىندە ءبىر رەت تولەۋ مىندەتتەمەلەرى.

ءىستىڭ ماتەريالدارىن قاراعاننان كەيىن سوت اليمەنت تولەۋ تۋرالى نوتارياتتىق كەلىسىمگە وزگەرىستەر ەنگىزۋ ءۇشىن زاڭدى نەگىزدەردىڭ جوقتىعى تۋرالى قورىتىندىعا كەلدى.

سوت بيشىمباەۆتىڭ 2024 جىلدىڭ تامىزىندا سىيعا تارتۋ شارتتارى بويىنشا وزىنە تيەسىلى م ۇلىكتى ءۇشىنشى تۇلعالارعا بەرۋ ارقىلى ماتەريالدىق جاعدايىن ادەيى ناشارلاتقانىن انىقتادى.

“بۇل رەتتە, ونىڭ ۇزاق مەرزىمگە سوتتالعانىن جانە كەلىسىمدى كوزدەلگەن كولەمدە ورىنداۋعا مۇمكىندىگى جوق ەكەنىن ەسكەرە وتىرىپ, وزىنە تيەسىلى م ۇلىك ەسەبىنەن مىندەتتەمەلەردى ورىنداۋعا ناقتى مۇمكىندىگى بولعان. بۇل جاعدايلاردى سوت تالاپ قويۋشىنىڭ جوسىقسىز ارەكەتى دەپ سانايدى. قولدانىستاعى زاڭناماعا سايكەس, اتا-انالاردىڭ ەكەۋى دە بالالارىن كۇتىپ-باعۋعا, تاربيەلەۋگە جانە دامىتۋعا بىردەي جاۋاپتى. ەڭبەككە قابىلەتتى اتا-انالار سوتتىلىعىنىڭ نەمەسە وزگە دە ءمان-جايلاردىڭ بولۋىنا قاراماستان, كومەككە مۇقتاج كامەلەتكە تولماعان بالالاردى اسىراۋعا مىندەتتى”, – دەلىنگەن سوت حابارلاماسىندا.

بالالاردىڭ قۇقىقتارى مەن زاڭدى مۇددەلەرىن ەسكەرە وتىرىپ, سوت تالاپ قويۋدى قاناعاتتاندىرۋدان باس تارتتى. شەشىم زاڭدى كۇشىنە ەنگەن جوق.

ايتا كەتسەك, قۋاندىق بيشىمباەۆتىڭ ءتورت بالاسى بار:

• ءبىرىنشى نەكەسىنەن تۋعان ۇلكەن ۇلى – ال-يسكاندەر (2000 جىلى تۋعان).

• ەكىنشى ايەلى بولعان نازىم قاھارماننان ەكى ۇل (مانسۇر, 2009 جىلى تۋعان; كاريم, 2011 جىلى تۋعان) جانە ءبىر قىزى (رانيا, 2013 جىلى تۋعان) بار.

• ەسكە سالايىق, بۇعان دەيىن نازىم قاھارمان 30 ناۋرىزدا قۋاندىقتىڭ ادۆوكاتى حابارلاسىپ, ونىڭ اناسى اليمەنتتەر مەن باسقا مىندەتتەمەلەردى تولەۋدەن باس تارتقانىن جەتكىزگەن. سەبەبى بۇرىنعى اتاسىندا بالالاردان باسقا شىعىندار دا بولعان. سونىمەن قاتار بالالار اتا-اجەسىمەن تىعىز قارىم-قاتىناستا ەمەس ەكەنىن اتاپ وتكەن.

  سونىمەن قاتار 31 جاستاعى سالتانات نۇكەنوۆا 2023 جىلعى 9 قاراشادا جۇبايى, ۇلتتىق ەكونوميكا ەكس-ءمينيسترى قۋاندىق بيشىمباەۆتىڭ قولىنان قازا تاپتى. ەرەكشە قاتىگەزدىكپەن جاسالعان بۇل كىسى ءولتىرۋ مەن ازاپتاۋلار ءۇشىن بيشىمباەۆ 24 جىلعا باس بوستاندىعىنان ايىرىلدى.