Bıshimbaev 1,6 mıllıon teńge mólsherindegi alımentti qaıta qaraýdy surap, sotqa aryz berdi

Foto: Joǵarǵy sot

Qýandyq Bıshimbaev balalaryna tóleıtin 1,6 mıllıon teńge mólsherindegi alımentti qaıta qaraýdy suraǵan. Sot onyń alıment kólemin qysqartý týraly aryzyn qanaǵattandyrýdan bas tartty, dep jazdy

Sebebi ol ózine tıesili múlikti basqalarǵa jazyp bergen. Bul týraly Stan.kz aqparat agenttigi habarlaıdy.

Astana qalasynyń kámeletke tolmaǵandardyń isteri jónindegi mamandandyrylǵan aýdanaralyq soty Qýandyq Bıshimbaevtyń alıment tóleý týraly notarıattyq kelisimniń talaptaryn ózgertý týraly talap qoıýy boıynsha azamattyq isti qarady.

2020 jyly burynǵy erli-zaıypty arasynda notarıattyq kelisim jasalǵan, onyń sharttary boıynsha ákesi kámeletke tolmaǵan úsh balaǵa ár aıdyń 20-kúnine deıin aı saıyn 1,6 mln teńge mólsherinde alıment tóleýge mindettelgen.

Bıshimbaev alıment mólsherin azaıtý arqyly atalǵan kelisimdi ózgertýdi surady. Oǵan túrmede otyrýy jáne jumysqa ornalaspaǵany sebep bolǵan.

Sondaı-aq talap qoıýshy kelisimnen kelesilerge qatysty erejelerdi alyp tastaýdy surady:

— balalardy aqyly oqý ornynda oqytýǵa, onyń ishinde olar kámeletke tolǵannan keıin qosymsha shyǵystardy tóleý;

— balalardy medıınalyq tekserýge jáne emdeýge baılanysty shyǵyndar;

— turý, tamaqtaný, saqtandyrý, kólik jáne basqa da shyǵyndardy qosa alǵanda, Qazaqstanda da, shetelde de balalardyń demalysyn jylyna keminde bir ret tóleý mindettemeleri.

Istiń materıaldaryn qaraǵannan keıin sot alıment tóleý týraly notarıattyq kelisimge ózgerister engizý úshin zańdy negizderdiń joqtyǵy týraly qorytyndyǵa keldi.

Sot Bıshimbaevtyń 2024 jyldyń tamyzynda syıǵa tartý sharttary boıynsha ózine tıesili múlikti úshinshi tulǵalarǵa berý arqyly materıaldyq jaǵdaıyn ádeıi nasharlatqanyn anyqtady.

“Bul rette, onyń uzaq merzimge sottalǵanyn jáne kelisimdi kózdelgen kólemde oryndaýǵa múmkindigi joq ekenin eskere otyryp, ózine tıesili múlik esebinen mindettemelerdi oryndaýǵa naqty múmkindigi bolǵan. Bul jaǵdaılardy sot talap qoıýshynyń josyqsyz áreketi dep sanaıdy. Qoldanystaǵy zańnamaǵa sáıkes, ata-analardyń ekeýi de balalaryn kútip-baǵýǵa, tárbıeleýge jáne damytýǵa birdeı jaýapty. Eńbekke qabiletti ata-analar sottylyǵynyń nemese ózge de mán-jaılardyń bolýyna qaramastan, kómekke muqtaj kámeletke tolmaǵan balalardy asyraýǵa mindetti”, – delingen sot habarlamasynda.

Balalardyń quqyqtary men zańdy múddelerin eskere otyryp, sot talap qoıýdy qanaǵattandyrýdan bas tartty. Sheshim zańdy kúshine engen joq.

Aıta ketsek, Qýandyq Bıshimbaevtyń tórt balasy bar:

• Birinshi nekesinen týǵan úlken uly – Al-Iskander (2000 jyly týǵan).

• Ekinshi áıeli bolǵan Nazym Qaharmannan eki ul (Mansur, 2009 jyly týǵan; Karım, 2011 jyly týǵan) jáne bir qyzy (Ranııa, 2013 jyly týǵan) bar.

• Eske salaıyq, buǵan deıin Nazym Qaharman 30 naýryzda Qýandyqtyń advokaty habarlasyp, onyń anasy alımentter men basqa mindettemelerdi tóleýden bas tartqanyn jetkizgen. Sebebi burynǵy atasynda balalardan basqa shyǵyndar da bolǵan. Sonymen qatar balalar ata-ájesimen tyǵyz qarym-qatynasta emes ekenin atap ótken.

  Sonymen qatar 31 jastaǵy Saltanat Núkenova 2023 jylǵy 9 qarashada jubaıy, Ulttyq ekonomıka eks-mınıstri Qýandyq Bıshimbaevtyń qolynan qaza tapty. Erekshe qatygezdikpen jasalǵan bul kisi óltirý men azaptaýlar úshin Bıshimbaev 24 jylǵa bas bostandyǵynan aıyryldy.