بيشىمباەۆ اليمەنتتى ازىراق تولەۋ ءۇشىن مۇلكىن قايتا راسىمدەتكەن

سوت قۋاندىق بيشىمباەۆتىڭ اليمەنت كولەمىن قىسقارتۋ تۋرالى ارىزىن قاناعاتتاندىرمادى, دەپ حابارلايدى Qandastar.kz اقپارات پورتالى Tengrinews.kz سايتىنا سىلتەمە جاساپ . 

ادۆوكات دينارا شامشەكوۆانىڭ ايتۋىنشا, 2020 جىلى قۋاندىق بيشىمباەۆ پەن ونىڭ بۇرىنعى ايەلى نازىم قاھارمان اراسىندا ءۇش بالاعا اليمەنت ءوندىرۋ تۋرالى كەلىسىم جاسالعان. الايدا بىرنەشە اي بۇرىن بيشىمباەۆ قارجىلىق جاعدايىنىڭ ناشارلاعانىن العا تارتىپ, شارتتى وزگەرتۋدى, تولەمدەر سوماسىن ازايتۋدى سۇراپ سوتقا جۇگىنگەن.

«نورماتيۆتىك قاۋلىعا سايكەس, بۇل شىنىمەن دە شارتتاردى وزگەرتۋگە نەگىزدەردىڭ ءبىرى بولۋى مۇمكىن, بىراق بۇل ء–سوزسىز نەگىز ەمەس. سوت تالقىلاۋى بارىسىندا ءبىز بيشىمباەۆتىڭ مۇلكى بار ەكەنىن بىلدىك. ۇكىم شىعارىلعاندا, قىلمىستىق سوت وتىرىسىندا ونىڭ قانداي مۇلكى بار ەكەنىن دە انىقتادىق. ول م ۇلىكتى باسقاعا تىركەپ تاستاعان”, – دەدى ادۆوكات.

ادۆوكاتتىڭ ايتۋىنشا, م ۇلىك سىيعا تارتۋ شارتتارى بويىنشا قايتا راسىمدەلگەن, ياعني ەكس-مينيستر ونى ءۇشىنشى تۇلعاعا بەرگەن. وسىدان كەيىن بيشىمباەۆ ماتەريالدىق جاعدايىنىڭ ناشارلاعانىن ايتىپ, اليمەنت مولشەرىن «بىرنەشە ەسە» ازايتۋدى سۇرادى.