Bıshimbaev alımentti azyraq tóleý úshin múlkin qaıta rásimdetken

Sot Qýandyq Bıshimbaevtyń alıment kólemin qysqartý týraly aryzyn qanaǵattandyrmady, dep habarlaıdy Qandastar.kz aqparat portaly Tengrinews.kz saıtyna silteme jasap . 

Advokat Dınara Shámshekovanyń aıtýynsha, 2020 jyly Qýandyq Bıshimbaev pen onyń burynǵy áıeli Nazym Qaharman arasynda úsh balaǵa alıment óndirý týraly kelisim jasalǵan. Alaıda birneshe aı buryn Bıshimbaev qarjylyq jaǵdaıynyń nasharlaǵanyn alǵa tartyp, shartty ózgertýdi, tólemder somasyn azaıtýdy surap sotqa júgingen.

«Normatıvtik qaýlyǵa sáıkes, bul shynymen de sharttardy ózgertýge negizderdiń biri bolýy múmkin, biraq bul –sózsiz negiz emes. Sot talqylaýy barysynda biz Bıshimbaevtyń múlki bar ekenin bildik. Úkim shyǵarylǵanda, qylmystyq sot otyrysynda onyń qandaı múlki bar ekenin de anyqtadyq. Ol múlikti basqaǵa tirkep tastaǵan”, – dedi advokat.

Advokattyń aıtýynsha, múlik syıǵa tartý sharttary boıynsha qaıta rásimdelgen, ıaǵnı eks-mınıstr ony úshinshi tulǵaǵa bergen. Osydan keıin Bıshimbaev materıaldyq jaǵdaıynyń nasharlaǵanyn aıtyp, alıment mólsherin «birneshe ese» azaıtýdy surady.