Bıshimbaev isinde tanylǵan sarapshy Halımnazarov: Sherzatty qutqarýǵa bolar edi

Foto: joǵarǵy sot

2025 jylǵy 23 mamyrda táýelsiz sot-medıınalyq sarapshy Tahır Halımnazarov Sherzat Polattyń ólimine sebep bolǵan jaraqattaryna qatysty sotta jaýap berdi, dep habarlaıdy qandastar.kz Zakon.kz-ke silteme jasap.

Ol jábirlenýshi taraptyń advokattarynyń ótinishi boıynsha qosymsha táýelsiz sot-medıınalyq sarapshy retinde jaýapqa tartyldy.

Otyrysta áýeli advokat Meıirman Shekeev Tahır Halımnazarov jasaǵan qorytyndyny oqyp berdi. Onda sarapshy Sherzat Polattyń keýde tusyna salynǵan jara men kóp mólsherdegi qan joǵaltýdyń saldarynan kóz jumǵanyn rastaǵan.

«Keýde tusyndaǵy pyshaq jaraqaty ókpeni zaqymdap, ishki qan ketýge ákelgen. Bul onyń ólimine sebep boldy, sebebi ol kóp qan joǵaltqan. Saraptama kezinde ókpeqap qýysynda 1,5 lıtr qan tabyldy. Adam 500–600 mıllılıtr qan joǵaltqanda-aq jaǵdaıy kúrt nasharlaıdy. Al 1 lıtrden astam qan joǵaltý – ómirge qaýip tóndiredi. Eger oǵan 30 mınýt ishinde shuǵyl medıınalyq kómek kórsetilip, jedel ota jasalsa – Sherzat Polatty qutqarýǵa bolar edi. Ol aýrýhanaǵa klınıkalyq ólim jaǵdaıynda jetkizilgen» – dep oqydy qorytyndyny Meıirman Shekeev.

Sotta óz qorytyndysyna túsinikteme bergen Tahır Halımnazarov basqa ústirt jaraqattardyń jasóspirimniń ómirine qaýip tóndirmegenin aıtty.

«О́kpe tynys alý joldarymen baılanysty bolǵandyqtan, Sherzat tynys alǵanda aýzynan qan ketken. Ol syrttan emes, ishten ketken qannan qaıtys boldy. Denesiniń ishinde 1,5 lıtr qan jınalǵan, biraq aýrýhanaǵa jetkizilgenge deıin qansha joǵaltqany belgisiz. Mundaı jaǵdaıda adamdy qandaı ýaqyt aralyǵynda qutqarýǵa bolatynyna naqty krıterıı joq – bári onyń fızıologııasyna baılanysty. Eger aýrýhanaǵa 10 mınýttyń ishinde jetkizilse, ómirin saqtap qalýǵa bolar edi. Eń bastysy – qan ketpeı turyp shuǵyl kómek kórsetý. Sherzatty jyldam jasalǵan ota arqyly aman alyp qalýǵa bolatyn edi. Sonymen qatar jaralardyń salyný retin anyqtaý múmkin emes – bári jańa. Eger adam tiri bolyp, saýyǵý satysynda bolsa, jaralardyń ýaqytyn shamalap aıtýǵa bolar edi, al bul jaǵdaıda – adam qaza tapqan», – dedi Tahır Halımnazarov.

Aıyptalýshylardyń biriniń advokaty sarapshydan Sherzattyń qolyndaǵy syzattar kastetten bolýy múmkin be dep surady. Sarapshy bul suraqqa jaýap retinde: «Kastetpen ádette jaraqat salady, al adam ol arqyly ózi jaraqat alýy múmkin emes, bul ekitalaı» dep jaýap berdi.