جاڭالىقتار
بيشىمباەۆ ىسىنە قاتىسقان پروكۋرورلار مەملەكەتتىك ناگرادامەن ماراپاتتالدى
فوتو: ۆيدەودان سكرين
ەكس-مينيستر قۋاندىق بيشىمباەۆتى ىسىنە قاتىسقان پروكۋرور ايجان ايماعانوۆا مەن ساياحات نۇربەكوۆ مەملەكەتتىك ناگرادامەن ماراپاتتالدى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
رەسپۋبليكا كۇنى مەرەكەسىنە وراي باس پروكۋراتۋرا قىزمەتكەرلەردى ماراپاتتادى. ولاردىڭ قاتارىندا بۇرىنعى مينيستر قۋاندىق بيشىمباەۆتىڭ ىسىنە قاتىسىپ, تانىمال بولعان ايجان ايماعانوۆا مەن ساياحات نۇربەكوۆ تە بار.
باس پروكۋروردىڭ ۇسىنۋىمەن مەملەكەت باسشىسى قوس پروكۋروردى مەملەكەتتىك ناگرادالارمەن, ونىڭ ىشىندە «ەرەن ەڭبەگى ءۇشىن» مەدالىمەن ماراپاتتادى.
سونداي-اق پروكۋرورلار قىزمەتتىك مىندەتتەرىن ءمىنسىز اتقارعانى ءۇشىن ۆەدومستۆولىق مەدالدارمەن جانە العىس حاتتارمەن ماراپاتتالدى.
