جاڭالىقتار
«بيشىمباەۆ يزولياتوردا توبەلەس شىعاردى»: قۇزىرلى ورگان تاراعان اقپارات تۋرالى پىكىر ءبىلدىردى
جەلىدە استانا قالاسىنىڭ تەرگەۋ يزولياتورىندا بيشىمباەۆتىڭ توبەلەس شىعارعانى جونىندە اقپارات تارادى. بۇل جايتقا ىشكى ىستەر مينيسترلىگىنە قاراستى قىلمىستىق اتقارۋ جۇيەسى كوميتەتى وكىلدەرى پىكىر ءبىلدىردى,-دەپ حابارلايدى Qandastar.kz
«تۇرمەدەن اقپارات تاراتاتىن دەرەككوزدەردىڭ مالىمەتىنشە, قۋاندىق بيشىمباەۆ بەلگىسىز سەبەپپەن تەرگەۋ يزولياتورىندا سوتتالۋشىمەن توبەلەسكەن. تاعى دا ۋنيتاز كىنالى بولسا, تاڭ قالماڭىز. ءار اي سايىن بىرەۋدى ۇرىپ تۇرماسا, جاعدايى قيىنداپ كەتەتىن ادام ەكەن», – دەلىنگەن جازبادا. ىشكى ىستەر مينيسترلىگىنە قاراستى قىلمىستىق اتقارۋ جۇيەسى كوميتەتى وكىلدەرى بۇل اقپارات جالعان ەكەنىن مالىمدەدى. «بۇل اقپارات شىندىققا سايكەس كەلمەيدى. قىلمىستىق-اتقارۋ جۇيەسى كوميتەتى جالعان اقپارات تاراتقانى ءۇشىن جاۋاپكەرشىلىك قاراستىرىلعانىن ەسكەرتەدى,» – دەپ مالىمدەدى ۆەدومستۆو وكىلدەرى.
