جاڭالىقتار
بيشىمباەۆ جازاسىن تۇرمەدە وتەپ جاتقان جوق دەگەن اقپارات تارادى – قىلمىستىق اتقارۋ جۇيەسى جاۋاپ بەردى
فوتو: © سەرگەي استرەلين
جەلىدە ايەلى سالتانات نۇكەنوۆانى ازاپتاپ ولتىرگەنى ءۇشىن سوتتالعان قۋاندىق بيشىمباەۆ ءوز جازاسىن وتەپ جاتقان جوق دەگەن اقپارات تارادى. قىلمىستىق اتقارۋ جۇيەسى كوميتەتى جاعدايعا قاتىستى پىكىر ءبىلدىردى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
“ايران مەديا” ءتىلشىسى قۋاندىق بيشىمباەۆتى كولونيادان تابا الماعانىن مالىمدەدى.
«سوتتالعان بيشىمباەۆتىڭ اباقتىدان قاشىپ كەتكەنى تۋرالى جالعان اقپارات تارادى. سوتتالعان جازاسىن قاتاڭ رەجيمدەگى مەكەمەدە وتەپ جاتىر. اقپارات شىندىققا سايكەس كەلمەيدى», – دەلىنگەن حابارلامادا.
قىلمىستىق تەرگەۋ كوميتەتى قازاقستاندىقتاردى جالعان اقپارات تاراتپاۋعا جانە تەك رەسمي اقپارات كوزدەرىنە سەنۋگە شاقىردى.
«جالعان اقپاراتتى تاراتۋ فاكتىسى بويىنشا قىلمىستىق ءىس قوزعالىپ, كىنالىلەر جاۋاپقا تارتىلاتىنىن حابارلايمىز», – دەپ حابارلادى ۆەدومستۆونىڭ ءباسپاسوز قىزمەتى.
ەسكە سالايىق, بۇرىنعى ۇلتتىق ەكونوميكا ءمينيسترى قۋاندىق بيشىمباەۆ ايەلى سالتانات نۇكەنوۆانى ءولتىردى دەگەن كۇدىكپەن 2023 جىلى 9 قاراشادا ۇستالعان ەدى. كەيىننەن قىلمىستى جاسىردى دەگەن ايىپپەن سالتانات نۇكەنوۆا كوز جۇمعان مەيرامحانانىڭ ديرەكتورى باقىتجان بايجانوۆ تا تۇتقىندالدى. ولاردىڭ سوت وتىرىسى 2024 جىلى 27 ناۋرىزدان باستالىپ 10 مامىرعا دەيىن جالعاسىپ, اشىق تۇردە ءوتتى.
بۇعان دەيىن بيشىمباەۆتىڭ تۇرمەدە نە سەبەپتى جۇمىس ىستەمەي جۇرگەنى بەلگىلى بولدى.
