Jańalyqtar
Bıshimbaev jazasyn túrmede ótep jatqan joq degen aqparat tarady – Qylmystyq atqarý júıesi jaýap berdi
Foto: © Sergeı Astrelın
Jelide áıeli Saltanat Núkenovany azaptap óltirgeni úshin sottalǵan Qýandyq Bıshimbaev óz jazasyn ótep jatqan joq degen aqparat tarady. Qylmystyq atqarý júıesi komıteti jaǵdaıǵa qatysty pikir bildirdi. Bul týraly qandastar.kz Stan.kz aqparat agenttigine silteme jasap habarlaıdy.
“Aıran medıa” tilshisi Qýandyq Bıshimbaevty kolonııadan taba almaǵanyn málimdedi.
«Sottalǵan Bıshimbaevtyń abaqtydan qashyp ketkeni týraly jalǵan aqparat tarady. Sottalǵan jazasyn qatań rejımdegi mekemede ótep jatyr. Aqparat shyndyqqa sáıkes kelmeıdi», – delingen habarlamada.
Qylmystyq tergeý komıteti qazaqstandyqtardy jalǵan aqparat taratpaýǵa jáne tek resmı aqparat kózderine senýge shaqyrdy.
«Jalǵan aqparatty taratý faktisi boıynsha qylmystyq is qozǵalyp, kináliler jaýapqa tartylatynyn habarlaımyz», – dep habarlady vedomstvonyń baspasóz qyzmeti.
Eske salaıyq, burynǵy ulttyq ekonomıka mınıstri Qýandyq Bıshimbaev áıeli Saltanat Núkenovany óltirdi degen kúdikpen 2023 jyly 9 qarashada ustalǵan edi. Keıinnen qylmysty jasyrdy degen aıyppen Saltanat Núkenova kóz jumǵan meıramhananyń dırektory Baqytjan Baıjanov ta tutqyndaldy. Olardyń sot otyrysy 2024 jyly 27 naýryzdan bastalyp 10 mamyrǵa deıin jalǵasyp, ashyq túrde ótti.
Buǵan deıin Bıshimbaevtyń túrmede ne sebepti jumys istemeı júrgeni belgili boldy.
