بيشىمباەۆقا تاماق ارقىلى تەرگەۋ يزولياتورىنا ەسىرتكى تاسىمالداعان – ىشكى ىستەر مينيسترلىگى اقپاراتقا قاتىستى پىكىر ءبىلدىردى

فوتو: aikyn.kz

قازاقستاننىڭ ىشكى ىستەر مينيسترلىگى ەكس-مينيستر قۋاندىق بيشىمباەۆقا تەرگەۋ يزولياتورىنا تاماق ارقىلى ەسىرتكى تاسىمالداندى دەگەن اقپاراتتى جوققا شىعاردى. بۇل تۋرالى Stan.kz اقپارات اگەنتتىگى حابارلايدى.

7 شىلدەدە ەلوردانىڭ تەرگەۋ يزولياتورىندا بەلگىسىز ايەل تۇتقىنعا ماريحۋانا قوسىلعان گولۋبتسى اكەلگەنى تۋرالى اقپارات تارادى.

كەيىننەن بۇل سالتانات نۇكەنوۆانى ولتىرگەنى ءۇشىن سوتتالعان ەكس-ءمينيسترى قۋاندىق بيشىمباەۆقا ارنالعان دەگەن قاۋەسەت تارادى.

“№64 مەكەمەدە گولۋبتسى تاعامىنىڭ اراسىنا سالىپ, تىيىم سالىنعان زاتتى وتكىزۋ ارەكەتىنىڭ جولى كەسىلدى. الايدا بۇل دەرەكتىڭ بيشىمباەۆقا ەش قاتىسى جوق”, – دەپ حابارلادى ىشكى ىستەر مينيسترلىگى.

وسى وقيعادان كەيىن ەلوردالىق تەرگەۋ يزولياتورىندا تەرگەۋدە وتىرعاندار مەن سوتتالعاندارعا تارتىلعان ەت قوسىلعان تاعام اكەلۋگە تىيىم سالىنعانى حابارلاندى. الايدا, ىشكى ىستەر مينيسترلىگى ونىمگە قاتىستى جاڭا ەرەجەلەر ەنگىزىلمەگەنىن مالىمدەدى.

جازدا تەز بۇزىلاتىن ازىق-ت ۇلىكتى اكەلۋگە تىيىم سالىنادى. تەرگەۋ يزولياتورىنداعىلارعا تۋىستارى مەن جاقىندارى سالەمدەمە تۇرىندە دايىن ازىق-ت ۇلىك اكەلۋى ءتيىس.

ايتا كەتەيىك, 13 مامىردا قۋاندىق بيشىمباەۆ سالتانات نۇكەنوۆانى ولتىرگەنى ءۇشىن 24 جىلعا باس بوستاندىعىنان ايىرىلعان ەدى. 26 ماۋسىمدا اپەللياتسيالىق سوت بيشىمباەۆتىڭ ۇكىمىن وزگەرىسسىز قالدىردى.