بيشىمباەۆتى ءالى تۇرمەگە وتىرعىزباعانى بەلگىلى بولدى

فوتو: ۆىحود ك پراۆدە

قىلمىستىق-اتقارۋ جۇيەسى كوميتەتى بۇرىنعى ۇلتتىق ەكونوميكا ءمينيسترى قۋاندىق بيشىمباەۆتىڭ جازاسىن قانداي جاعدايدا وتەيتىنىن ءتۇسىندىردى. قاج وكىلى تەڭىزجان جانىبەكوۆ بريفينگتە بيشىمباەۆ يزولياتوردا وتىرعاندىقتان, ءالى تۇرمەگە اۋىستىرىلماعانىن ايتتى, – دەپ حابارلايدى qandastar.kz.

«بيشىمباەۆ يزولياتوردان ەندى شىعادى. بۇل ماسەلە 1-2 كۇندە شەشىلەدى. ول قاۋىپسىزدىگى بارىنشا جوعارى جەرگە اۋىسادى», – دەدى ول.

ۆىحود ك پراۆدە تەلەگرام ارناسى جازعانداي, بيشىمباەۆپەن تۇرمەدە پسيحولوگتار جۇمىس ىستەيدى.

«كارانتيننەن كەيىن ءتيىستى وتريادقا ورنالاستىرامىز. سودان كەيىن ونىمەن تاربيە جۇمىستارى جۇرگىزىلەدى, سودان كەيىن جۇمىسقا ورنالاسادى. پسيحولوگتار ونىمەن قاتارداعى سوتتالعاندار سياقتى كەشەندى شارالار جۇرگىزەدى», – دەپ قوستى سپيكەر.

جانىبەكوۆتىڭ ايتۋىنشا, بيشىمباەۆتى مەتالل نەمەسە اعاش وندەۋ جۇمىستارىنا تارتۋى مۇمكىن.