Bıshimbaevty áli túrmege otyrǵyzbaǵany belgili boldy

Foto: Vyhod k pravde

Qylmystyq-atqarý júıesi komıteti burynǵy Ulttyq ekonomıka mınıstri Qýandyq Bıshimbaevtyń jazasyn qandaı jaǵdaıda óteıtinin túsindirdi. QAJ ókili Teńizjan Jánibekov brıfıngte Bıshimbaev ızolıatorda otyrǵandyqtan, áli túrmege aýystyrylmaǵanyn aıtty, – dep habarlaıdy qandastar.kz.

«Bıshimbaev ızolıatordan endi shyǵady. Bul másele 1-2 kúnde sheshiledi. Ol qaýipsizdigi barynsha joǵary jerge aýysady», – dedi ol.

Vyhod k pravde telegram arnasy jazǵandaı, Bıshimbaevpen túrmede psıhologtar jumys isteıdi.

«Karantınnen keıin tıisti otrıadqa ornalastyramyz. Sodan keıin onymen tárbıe jumystary júrgiziledi, sodan keıin jumysqa ornalasady. Psıhologtar onymen qatardaǵy sottalǵandar sııaqty keshendi sharalar júrgizedi», – dep qosty spıker.

Jánibekovtyń aıtýynsha, Bıshimbaevty metall nemese aǵash óndeý jumystaryna tartýy múmkin.