جاڭالىقتار
بيشىمباەۆتى تاعى دا سوتقا بەردى
فوتو: ارتەم چۋرسينوۆ
سالتانات نۇكەنوۆانىڭ اعاسى ايتبەك امانگەلدى سوتتالعان قۋاندىق بيشىمباەۆقا قارسى تاعى تالاپ-ارىز بەردى, دەپ حابارلايدى qandastar.kz «سوت كابينەتى» جۇيەسىنە سىلتەمە جاساپ.
سايتتاعى اقپاراتقا سايكەس, ءىس 17 ناۋرىزدا سۋدياعا تۇسكەن. تالاپكەر رەتىندە ايتبەك امانگەلدى, ال جاۋاپكەر رەتىندە قۋاندىق بيشىمباەۆ كورسەتىلگەن.
ەسكە سالساق, 2023 جىلعى 9 قاراشادا استانا قالاسىنداعى مەيرامحانالاردىڭ بىرىندە سالتانات نۇكەنوۆا اۋىر دەنە جاراقاتتارىنىڭ سالدارىنان كوز جۇمعان ەدى. ول – بۇرىنعى ۇلتتىق ەكونوميكا ءمينيسترى قۋاندىق بيشىمباەۆتىڭ ازاماتتىق جۇبايى بولعان.
2024 جىلدىڭ مامىر ايىنىڭ ورتاسىندا قۋاندىق بيشىمباەۆ سالتانات نۇكەنوۆانى ازاپتاپ ولتىرگەنى ءۇشىن 24 جىلعا باس بوستاندىعىنان ايىرۋ جازاسىنا كەسىلىپ, ەڭ جوعارى قاۋىپسىزدىك دەڭگەيىندەگى قىلمىستىق-اتقارۋ جۇيەسى مەكەمەسىندە جازاسىن وتەۋگە جىبەرىلگەن.
