Bıshimbaevty taǵy da sotqa berdi

Foto: Artem Chýrsınov

Saltanat Núkenovanyń aǵasy Aıtbek Amangeldi sottalǵan Qýandyq Bıshimbaevqa qarsy taǵy talap-aryz berdi, dep habarlaıdy qandastar.kz «Sot kabıneti» júıesine silteme jasap.

Saıttaǵy aqparatqa sáıkes, is  17 naýryzda sýdıaǵa túsken. Talapker retinde Aıtbek Amangeldi, al jaýapker retinde Qýandyq Bıshimbaev kórsetilgen.

Eske salsaq, 2023 jylǵy 9 qarashada Astana qalasyndaǵy meıramhanalardyń birinde Saltanat Núkenova aýyr dene jaraqattarynyń saldarynan kóz jumǵan edi. Ol – burynǵy Ulttyq ekonomıka mınıstri Qýandyq Bıshimbaevtyń azamattyq jubaıy bolǵan.

2024 jyldyń mamyr aıynyń ortasynda Qýandyq Bıshimbaev Saltanat Núkenovany azaptap óltirgeni úshin 24 jylǵa bas bostandyǵynan aıyrý jazasyna kesilip, eń joǵary qaýipsizdik deńgeıindegi qylmystyq-atqarý júıesi mekemesinde jazasyn óteýge jiberilgen.