بيشىمباەۆتىڭ سوتى بايان ماقساتقىزىنىڭ جاڭا فيلمىنە ارقاۋ بولدى

فوتو: اشىق دەرەككوز

تانىمال پروديۋسەر بايان ماقساتقىزى ازاماتتىق نەكەدەگى ايەلىن ۇرىپ ولتىرگەن ەكس ەكونوميكا ءمينيسترىنىڭ سوتى نەگىزىندە جاڭا فيلم تۇسىرمەك. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.

ايتا كەتەيىك, پروديۋسەر وتباسىلىق زورلىق-زومبىلىقتى اشكەرەلەيتىن “باقىت” ءفيلمىن تۇسىرگەن ەدى.

ء“فيلمنىڭ اتى – “جالعىزدىق” دەپ اتالادى. بىراق اتىن وزگەرتەتىن شىعارمىز. تۇسىرىلىمدەگى اتاۋىن وسىلاي دەپ قويدىق. تۇرمىستىق زورلىق-زومبىلىق تۋرالى «باقىت» ءفيلمىن تۇسىرگەنىمدى بىلەسىزدەر. سودان اسقار ۇزاباەۆ ەكەۋمىز وسىنداي تريلوگيا, ياعني وسى تاقىرىپتا ءۇش فيلم تۇسىرەمىز دەپ شەشتىك. وعان قايتا ورالۋ قانشالىقتى قيىن ەكەنىن بىلەمىز. بىراق ايەلىن ۇرىپ ولتىرگەن ەكس-مينيستر بيشىمباەۆتىڭ ارەكەتى, وعان قاتىستى سوت پروتسەسى قوعامدى ءدۇر سىلكىندىردى. بۇل تاقىرىپ ءالى كۇنگە دەيىن ەلىمىزدە وزەكتى ەكەنىن كورسەتتى. ءبىر دۇنيە شىعارماس بۇرىن, 10 رەت ويلانۋ كەرەك. ال بۇل فيلم تاربيەلىك ءمانى زور الەۋمەتتىك جوبا بولۋى مۇمكىن. كورەرمەن جينايتىن جاقسى تۋىندى بولماق. ءبىزدىڭ كورەرمەن ءتۇرلى فيلمدەردى كورۋگە داعدىلانۋى كەرەك», – دەيدى جوبا اۆتورى.

ايتا كەتەيىك, ايەلىن اسا قاتىگەزدىكپەن ءولتىردى دەپ ايىپتالعان ەكس-مينيستر قۋاندىق بيشىمباەۆ 24 جىلعا باس بوستاندىعىنان ايىرىلدى.

بۇعان دەيىن, ەكس-مينيستر قۋاندىق بيشىمباەۆقا قاتىستى ءىس قوزعالعاننان كەيىن قازاقستاندىقتاردىڭ كوزايىمىنا اينالعان پروكۋرور ايجان ايماعانوۆا جاڭا قىزمەتكە تاعايىندالدى.