Bıshimbaevtyń soty Baıan Maqsatqyzynyń jańa fılmine arqaý boldy

Foto: ashyq derekkóz

Tanymal prodıýser Baıan Maqsatqyzy azamattyq nekedegi áıelin uryp óltirgen eks ekonomıka mınıstriniń soty negizinde jańa fılm túsirmek. Bul týraly qandastar.kz Stan.kz aqparat agenttigine silteme jasap habarlaıdy.

Aıta keteıik, prodıýser otbasylyq zorlyq-zombylyqty áshkereleıtin “Baqyt” fılmin túsirgen edi.

“Fılmniń aty – “Jalǵyzdyq” dep atalady. Biraq atyn ózgertetin shyǵarmyz. Túsirilimdegi ataýyn osylaı dep qoıdyq. Turmystyq zorlyq-zombylyq týraly «Baqyt» fılmin túsirgenimdi bilesizder. Sodan Asqar Uzabaev ekeýmiz osyndaı trılogııa, ıaǵnı osy taqyrypta úsh fılm túsiremiz dep sheshtik. Oǵan qaıta oralý qanshalyqty qıyn ekenin bilemiz. Biraq áıelin uryp óltirgen eks-mınıstr Bıshimbaevtyń áreketi, oǵan qatysty sot proesi qoǵamdy dúr silkindirdi. Bul taqyryp áli kúnge deıin elimizde ózekti ekenin kórsetti. Bir dúnıe shyǵarmas buryn, 10 ret oılaný kerek. Al bul fılm tárbıelik máni zor áleýmettik joba bolýy múmkin. Kórermen jınaıtyn jaqsy týyndy bolmaq. Bizdiń kórermen túrli fılmderdi kórýge daǵdylanýy kerek», – deıdi joba avtory.

Aıta keteıik, áıelin asa qatigezdikpen óltirdi dep aıyptalǵan eks-mınıstr Qýandyq Bıshimbaev 24 jylǵa bas bostandyǵynan aıyryldy.

Buǵan deıin, eks-mınıstr Qýandyq Bıshimbaevqa qatysty is qozǵalǵannan keıin qazaqstandyqtardyń kózaıymyna aınalǵan prokýror Aıjan Aımaǵanova jańa qyzmetke taǵaıyndaldy.