بيىل 12 ادام «بولاشاق» باعدارلاماسىنىڭ ستيپەندياسىنان ايىرىلعان

فوتو: اشىق دەرەككوز

عىلىم جانە جوعارى ءبىلىم مينيسترلىگى «بولاشاق» باعدارلاماسى بويىنشا ءبىلىم الىپ جاتقاندارعا قاتىستى, سونداي-اق بيىل باعدارلاما اياسىندا ءبىلىم العانداردىڭ نەشەۋى شەتەلدە قالعانى جايىندا تۇسىنىك بەردى, دەپ جازدى qandastar.kz

– قازىرگى كەزدە «بولاشاق» باعدارلاماسى اياسىندا وقۋ مونيتورينگىندە 1 096 ستيپەنديات بار, ونىڭ ىشىندە 833 ادام – ماگيستراتۋرا باعدارلاماسى بويىنشا, 145 ادام – دوكتورانتۋرا باعىتىندا, سونداي-اق تاعىلىمداما اياسىندا 118 ادام قامتىلعان. گۋمانيتارلىق ماماندىقتار – 443 ادام (40,4%), تەحنيكالىق باعىتتا – 482 ادام (43,9%), مەديتسينالىق سالادا – 137 ادام (12,5%), ال شىعارماشىلىق ماماندىقتارعا 34 ادام (3,1%) ەنگەن, – دەلىنگەن عىلىم مينيسترلىگىنىڭ Kazinform اگەنتتىگىنە بەرگەن جاۋابىندا.

ۆەدومستۆو مالىمەتىنە قاراعاندا, قازىر:

اقش جانە كانادادا – 559 ادام (51%)
ۇلىبريتانيا مەن يرلانديادا – 391 ادام (35,7%)
ەۋروپادا – 67 ادام (6,1%)
تمد ەلدەرىندە – 13 ادام (1,2%)
ازيادا – 25 ادام (2,3%)
وكەانيادا 41 ادام (3,7%) ءبىلىم الىپ ءجۇر.
–

قازىر اكادەميالىق وقۋدا – 562 ادام (51,3%), اكادەميالىق وقۋعا ورنالاستىرۋعا باعىتتالعان – 36 ادام (3,3%), تاعىلىمدامالاردا – 65 ادام (5,9%), وقۋعا بارۋدى كۇتىپ وتىرعان – 79 ادام (7,2%), اكادەميالىق دەمالىستا – 15 ادام (1,4%), دەمالىستا – 6 ادام (0,5%), سونداي-اق اكادەميالىق وقۋدى اياقتاپ, ديپلومىن كۇتىپ وتىرعان ستيپەندياتتار قاتارىندا 160 ادام (14,6%) بار. مۇنىمەن قوسا, قازاقستاندا جانە شەتەلدە باقىلاۋ جۇمىستارىندا – 106 ادام (9,7%), ءتىل كۋرستارىنا ورنالاستىرۋعا باعىتتالعان – 49 ادام (4,5%), ءتىل كۋرستارىندا جۇرگەن 18 ادام (1,6%) قامتىلعان, – دەپ ناقتىلادى مينيسترلىك.

جالپى, 2024 جىلى «بولاشاق» باعدارلاماسى اياسىندا 230 ادام وقۋىن اياقتادى. ستپيەنديادان ءوز ەركىمەن باس تارتقاندار دا بار.

– شەتەلدە بولۋىنا بايلانىستى 2024 جىلى 12 ادام بارلىق شىعىندارىن وتەي وتىرىپ, ستيپەنديادان ايىرىلدى, 18 ادام بارلىق شىعىندارىن وتەي وتىرىپ, ءوز ەركىمەن ستيپەنديادان باس تارتتى, – دەپ اتالىپ وتكەن عىلىم مينيسترلىگى اقپاراتىندا.