Bıyl 12 adam «Bolashaq» baǵdarlamasynyń stıpendııasynan aıyrylǵan

Foto: ashyq derekkóz

Ǵylym jáne joǵary bilim mınıstrligi «Bolashaq» baǵdarlamasy boıynsha bilim alyp jatqandarǵa qatysty, sondaı-aq bıyl baǵdarlama aıasynda bilim alǵandardyń nesheýi shetelde qalǵany jaıynda túsinik berdi, dep jazdy qandastar.kz

– Qazirgi kezde «Bolashaq» baǵdarlamasy aıasynda oqý monıtorınginde 1 096 stıpendıat bar, onyń ishinde 833 adam – magıstratýra baǵdarlamasy boıynsha, 145 adam – doktorantýra baǵytynda, sondaı-aq taǵylymdama aıasynda 118 adam qamtylǵan. Gýmanıtarlyq mamandyqtar – 443 adam (40,4%), tehnıkalyq baǵytta – 482 adam (43,9%), medıınalyq salada – 137 adam (12,5%), al shyǵarmashylyq mamandyqtarǵa 34 adam (3,1%) engen, – delingen Ǵylym mınıstrliginiń Kazinform agenttigine bergen jaýabynda.

Vedomstvo málimetine qaraǵanda, qazir:

AQSh jáne Kanadada – 559 adam (51%)
Ulybrıtanııa men Irlandııada – 391 adam (35,7%)
Eýropada – 67 adam (6,1%)
TMD elderinde – 13 adam (1,2%)
Azııada – 25 adam (2,3%)
Okeanııada 41 adam (3,7%) bilim alyp júr.
–

Qazir akademııalyq oqýda – 562 adam (51,3%), akademııalyq oqýǵa ornalastyrýǵa baǵyttalǵan – 36 adam (3,3%), taǵylymdamalarda – 65 adam (5,9%), oqýǵa barýdy kútip otyrǵan – 79 adam (7,2%), akademııalyq demalysta – 15 adam (1,4%), demalysta – 6 adam (0,5%), sondaı-aq akademııalyq oqýdy aıaqtap, dıplomyn kútip otyrǵan stıpendıattar qatarynda 160 adam (14,6%) bar. Munymen qosa, Qazaqstanda jáne shetelde baqylaý jumystarynda – 106 adam (9,7%), til kýrstaryna ornalastyrýǵa baǵyttalǵan – 49 adam (4,5%), til kýrstarynda júrgen 18 adam (1,6%) qamtylǵan, – dep naqtylady mınıstrlik.

Jalpy, 2024 jyly «Bolashaq» baǵdarlamasy aıasynda 230 adam oqýyn aıaqtady. Stpıendııadan óz erkimen bas tartqandar da bar.

– Shetelde bolýyna baılanysty 2024 jyly 12 adam barlyq shyǵyndaryn óteı otyryp, stıpendııadan aıyryldy, 18 adam barlyq shyǵyndaryn óteı otyryp, óz erkimen stıpendııadan bas tartty, – dep atalyp ótken Ǵylym mınıstrligi aqparatynda.