بيىل اسكەري دايىندىققا قانشا ادام شاقىرىلادى?

فوتو: اشىق دەرەككوز

قورعانىس ءمينيسترى رۋسلان جاقسىلىقوۆتىڭ ءتيىستى بۇيرىعى «اشىق نقا» پورتالىندا جاريالاندى, دەپ جازدى qandastar.kz

قۇجات 7 اقپانعا دەيىن تالقىلاۋعا قولجەتىمدى.

اسكەري دايىندىق 2007 جىلدان باستاپ, جىل سايىن وتكىزىلەدى جانە ۇزاقتىعى 30 كۇنگە دەيىن بولادى. دايىندىققا قاتىسۋدان جالتارۋ 5 ايلىق ەسەپتىك كورسەتكىش (19 660 تەڭگە) مولشەرىندە ايىپپۇل سالۋدى قاراستىرادى.

اسكەري دايىندىق كەزىندە اسكەري قىزمەتشىلەردىڭ جۇمىس ورىندارى مەن لاۋازىمدارى ساقتالادى. ولارعا ورتاشا جالاقى تولەنەدى, ال جۇمىس ىستەمەيتىندەرگە – مەملەكەتتىك بيۋدجەت ەسەبىنەن ەڭ تومەنگى جالاقى بەرىلەدى.

اسكەري مىندەتتىلەردى جيناق ورنىنا جەتكىزۋ جانە ولاردى كەرى قايتاراتىن كولىك قىزمەتى, سونداي-اق تاماقتاندىرۋ قورعانىس مينيسترلىگى ەسەبىنەن جۇزەگە اسىرىلادى. اسكەري مىندەتتىلەر كازارما جاعدايىندا ۇستالادى. ولاردى بولىمنەن بوساتۋ روتانىڭ كومانديرلەرىمەن جۇزەگە اسىرىلادى.

ايتا كەتەيىك, اسكەري دايىندىقتىڭ نەگىزگى ماقساتى – اسكەري بولىمشەلەردىڭ جاۋىنگەرلىك جانە موبيليزاتسيالىق دايىندىعىن ارتتىرۋ, بەيبىت ۋاقىتتا قىسقارتىلعان قۇرامدا ۇستالىپ تۇراتىن بولىمشەلەر ءۇشىن دايىندالعان جانە جيناقتالعان اسكەري دايىن رەسۋرستاردى قالىپتاستىرۋ.

2023 جىلى قورعانىس مينيسترلىگى 1,5 مىڭ قازاقستاندىقتى اسكەري دايىندىققا شاقىرعان بولسا, 2024 جىلى – 3 مىڭ ادام شاقىرىلدى.