ءبىلىم
«بيىل عانا مەكتەپ بىتىرگەن»: تاعى ءبىر ءجاسوسپىرىم كوز جۇمدى
فوتو: اشىق دەرەككوز
اتىراۋ وبلىسىنىڭ ماحامبەت اۋدانىندا جانجال سوڭى ولىممەن اياقتالدى. ءجاسوسپىرىم 18 جاستاعى جىگىتتىڭ قاتتى سوققىسىنان كەيىن قۇلاپ, ورنىنان قايتا تۇرماعان, دەپ حابارلايدى Skifnews.kz اقپارات پورتالى.
Zakon.kz جاۋىنشا, قايتىس بولعان جىگىت – سارىتوعاي اۋىلىنىڭ تۇرعىنى جانە بيىل عانا مەكتەپتى بىتىرگەن. اۋىل تۇرعىندارىنىڭ ايتۋىنشا, جىگىت بەلسەندى جانە وتە مەيىرىمدى بولعان. قاتارلاستارىمەن اراداعى جانجال نەدەن تۋىنداعانى ازىرگە بەلگىسىز. 17 جاستاعى جىگىتتىڭ ولىمىنە 2005 جىلى تۋعان جاس جىگىت كۇدىكتى رەتىندە تانىلدى.
بۇل تۋرالى اتىراۋ وبلىسى پوليتسياسىنىڭ ءباسپاسوز قىزمەتى حابارلادى.
«17 جاسار ءجاسوسپىرىمدى ءولتىرۋ فاكتىسى بويىنشا 2005 جىلى تۋعان كۇدىكتىگە قاتىستى قىلمىستىق ءىس تىركەلدى. سوت-مەديتسينالىق ساراپتاما تاعايىندالدى. وزگە اقپارات تەرگەۋ مۇددەسى ءۇشىن جاريا ەتىلمەيدى», – دەپ حابارلادى پوليتسيا.
