Jańalyqtar
Bıyl «Kaspıı» bırjasynda 26 myń tonnadan astam bıtým satyldy
Foto: jeke qorynan
«Kaspıı» taýar bırjasy» AQ 2025 jyldyń birinshi jartyjylyndaǵy bıtýmnyń bırjalyq saýda-sattyq nátıjelerin usyndy. Jarııalanǵan taldaý baıandamasyna sáıkes, bul kezeńde «Kaspıı» bırja alańynda jalpy somasy 1 317 mln teńgege jalpy kólemi 26 365 tonna bolatyn 45 mámile jasaldy, dep jazdy qandastar.kz
Bıtým – bul munaıdy óńdeý nátıjesinde alynatyn joǵary tutqyr munaı ónimi. Ol avtomobıl joldaryn, ushý-qoný jolaqtaryn, gıdrooqshaýlaǵysh júıelerdi jáne basqa da ınfraqurylymdyq nysandardy salý men jóndeýde keńinen qoldanylady.
Jasalǵan mámileler boıynsha ortasha baǵalar tonnasyna 149 000 teńgeden 152 000 teńgege deıingi dıapazonda boldy.
Saýda-sattyq 15% bırjalyq qamtamasyz etýmen qosarlanǵan qarsy aýkıon formatynda ótkizilip jatyr, bul rette baǵa bazalyq baǵadan 101%-dan aspaýy tıis, bul ádil jáne básekelestik baǵa belgileýdi qamtamasyz etedi.
Atalǵan kezeńdegi saýda-sattyqqa belgilengen talaptarǵa sáıkes qatysýǵa jiberilgen 9 satyp alýshy kompanııa jáne 2 satýshy qatysty.
Qazaqstanda bıtýmǵa suranys árqashan joǵary, ásirese jol jáne qurylys jumystary jandanatyn kóktem-jaz kezeńinde turaqty túrde joǵary.
Saýda-sattyq nátıjeleri «Kaspıı» taýar bırjasynyń sarapshylary daıyndaǵan Qazaqstandaǵy bıtým naryǵy boıynsha taldaý baıandamasyna engizildi. Qujatta sonymen qatar:
– bıtým óndirý jáne tutyný dınamıkasyna sholý;
– logıstıkalyq jáne ınfraqurylymdyq shekteýlerdi taldaý;
– ımport jáne eksport týraly derekter;
– bırjalyq saýdanyń naryqtyq baǵany qalyptastyrýǵa áserin baǵalaý;
– jetkizý júıesiniń ótimdiligi men tıimdiligin arttyrý boıynsha usynystar.
Eseptiń tolyq nusqasy bırjanyń resmı saıtynda qoljetimdi: https://ccx.kz/analytical-report-bitumen-market
2021 jyly Qazaqstandaǵy munaı bıtýmy Taýar bırjalary arqyly mindetti túrde ótkizýge jatatyn taýardyń eń az úlesi bar bırjalyq taýarlar tizbesine jáne bıylǵy óndiristik jylǵa ishki naryqqa jetkizýge josparlanatyn bıtýmnyń jalpy jyldyq kóleminiń 10% mólsherinde kórsetilgen mindetteme qoldanylatyn sýbektiler sanatyna engizilgenin aıta keteıik.
Mindetteme bıtým óndirýshilerge, oǵan menshik quqyǵymen tıesili kómirsýtek shıkizatynan óndirilgen bıtým ıelerine qoldanylady. Bıtýmdy bırjada qurylys jumystaryn júrgizetin merdiger uıymdar ǵana satyp ala alady.
Jolǵa arnalǵan bıtým satyp alýshylardyń tizbesi avtomobıl joldaryn salý jáne jóndeý salasynda basshylyqty júzege asyratyn memlekettik organnyń resmı ınternet-resýrsynda ornalastyrylady.
Bırjalyq saýda quraly merdigerlik uıymdardyń bıtým óndirýshilerden tikeleı bıtým satyp alý múmkindigin qamtamasyz etý jáne saýda-sattyqta qalyptasqan naryqtyq baǵany anyqtaý maqsatynda engizildi.
Bırjalyq saýda-sattyq 2022 jyly toqtatylyp, 2023 jyldyń naýryzynan bastap qaıta jandanǵan bolatyn.
Aıta keteıik, «Kaspıı» taýar bırjasy» AQ – munaı ónimderin, kómirdi jáne ementti qosa alǵanda, taýarlardyń keń spektrimen saýda jasaýǵa mamandanǵan Qazaqstannyń jetekshi bırjalyq alańy. «Kaspıı» taýar bırjasy» AQ Energetıkalyq bırjalardyń eýropalyq qaýymdastyǵyna (EUROPEX) qaýymdastyrylǵan múshe retinde kiredi. S&P Global halyqaralyq reıtıng agenttiginiń eń joǵary ESG-baǵasyna ıe.
BUU Jahandyq shartynyń tolyqqandy qatysýshysy bolǵan TMD aýmaǵyndaǵy alǵashqy bırjalyq alań sanalady. Sondaı-aq, «Kaspıı» – KASE Qazaqstan qor bırjasynyń resmı lıstıngine engizilgen eldegi jalǵyz taýar bırjasy.
