جاڭالىقتار
بيىل نيۋ-يوركتىڭ ايگىلى ساحناسى Madison Square Garden-دە ديماشتىڭ كونتسەرتى وتەدى
الماتىدا ديماش قۇدايبەرگەننىڭ فان-كەزدەسۋى ءوتىپ جاتىر. كەزدەسۋ بارىسىندا ول نيۋ-يوركتىڭ ايلىگى Madison Square Garden كەشەنىندە Stranger كونتسەرتىن وتكىزەتىنىن جاريالادى, دەپ حابارلايدى Qandastar.kz اقپاراتتىق پورتالى Kazinform-عا سىلتەمە جاساپ.
كونتسەرت بيىل 5 قاراشادا وتەدى دەپ جوسپارلانعان. بۇعان دەيىن ديماش قۇدايبەرگەننىڭ Stranger تۋرى بارسەلونا, بەرلين, لوندون, ريگا قالالارىندا وتەتىنى حابارلانعان بولاتىن.
سونداي-اق «بالقاديشا» ءانىن تاتاميدە ورىنداپ الەۋمەتتىك جەلىدە تانىمال بولعان يسا بەكبولات ديماشتىڭ ارنايى شاقىرتۋىمەن ونەرپازدىڭ بۇگىنگى فان-كەزدەسۋىنە كەلدى. 14 جاستاعى يسا العاش رەت ۇلكەن ساحنادا — Almaty Arena-عا جينالعان 8 مىڭنان استام ادامنىڭ الدىندا ءان سالدى. ديماش قۇدايبەرگەن جاس ونەرپازعا ءوزىنىڭ اق-تىلەگىن ايتتى.
سونداي-اق ديماش كەزدەسۋدە قىتاي تەلەارناسى كورسەتەتىن انشىلەر بايقاۋىنىڭ پروديۋسەرى بولاتىنىن حابارلادى.
ودان بولەك ءانشى الماتىدا وتكەن فان-كەزدەسۋىندە جانكۇيەرلەرىنىڭ سۇراقتارىنا جاۋاپ بەردى. ديماشتىڭ فان-كەزدەسۋىنە 40-تان استام ەلدەن جانكۇيەرلەر كەلگەن.
وسى ايدا ديماش قۇدايبەرگەن بەلگىلى قازاق اقىنى ءارى جازۋشىسى, قازاق ادەبيەتىنىڭ نەگىزىن سالۋشىلاردىڭ ءبىرى ساكەن سەيفۋلليننىڭ انىنە تۇسىرىلگەن جاڭا بەينەباياننىڭ تۇساۋىن كەستى.
