«Biz 20 emes, 30-40 mıllıonǵa barǵan halyqpyz». Baqyt Bedelhan elimizdegi qazaqtar sanyn durystap zertteýdi usyndy

Aqyn Baqyt Bedelhan Dýlat Tastekeıge bergen suhbatynda Qazaqstanda turatyn qazaqtardyń sany 30-40 mıllıon bolýy múmkin ekenin aıtty, — dep habarlaıdy Massaget.kz tilshisi.

1. «Biz Qazaqstanda turatyn 20 mıllıon emes, 30-40 mıllıonǵa barǵan halyqpyz. Ol jerde de ótirik bar. Eger de biz 20 mıllıon bolsaq, onyń 14-15 mıllıony qazaq bolsa, 17 oblys, 3 qalada nelikten qazaq mektepterine bala syımaı jatyr. Múmkin emes nárse. Osyny zertteý kerek. Sebebi myńdaǵan mektep salynyp jatyr, biraq qazaq mektepterinde oryn joq, bala syımaıdy. Mektep tapshylyǵy, tarshylyǵy jetip artylady. Sondyqtan da biz Qazaqstannyń ózinde 14-15 mıllıondaı qazaq emespiz. 20 mıllıon da ótirik bolýy múmkin. 30-40 mıllıonǵa barǵan shyǵarmyn. О́ıtkeni nege bıýdjet jetpeıdi? Jyl saıyn 40 mıllıondyq halyqqa 20 mıllıondyq bıýdjet berip otyr. Ol ókimetke paıdaly. Sonyń sany men sapasyn ajyratatyn salıqaly, sanaly saıasatker tulǵalardy berse eken dep tileımin», — deıdi aqyn.