«ءبىز نەگە دامىمايمىز?»: العاباس اۋدانىندا ساپاسىز اسفالت توسەلۋدە

فوتو: اشىق دەرەككوز

شىعىس قازاقستان وبلىسى, كۇرشىم اۋدانىنداعى العاباس اۋىلىنىڭ تۇرعىندارى اۋىلعا باراتىن 7 شاقىرىم جولدىڭ جاۋىنعا قاراماي ساپاسىز جۇرگىزىلىپ جاتقانىنا نارازى, دەپ حابارلايدى Qandastar.kz.

بۇل تۋرالى ءوزىنىڭ الەۋمەتتىك پاراقشاسىندا دەپۋتات داۋلەت مۇقاەۆ جاريالادى. دەپۋتاتتان كومەك سۇراپ اۋىل تۇرعىندارى ۆيدەو جولداعان. ۆيدەودا ەر ادام 170 ملن تەڭگەنىڭ سالىنۋ كەرەك جول تەك جاماۋمەن شەكتەلگەنىن ايتادى. ونىڭ ۇستىنە نەشە كۇن جاۋىنعا قاراماي بالشىقتىڭ ۇستىنە توسەلۋدە. دەپۋتاتتىڭ ايتۋىنشا, وسى سارىنداعى حاتتار لەگى وتە كوپ.

– ءبىز نەگە دامىمايمىز? سەبەبى كوپ نارسەنى تەرىس ىستەيمىز. ءۇي سالامىز, ارتىنشا جول سالامىز. سوسىن ونى بۇزىپ, جول استىنا قۇبىر, كابەل سالامىز. اقشا جوق ەمەس, ءبولىنۋى بولىنەدى-اۋ. بىراق سونى دۇرىس باسقارا الماعان سوڭ, تالان-تاراجعا ءتۇسىپ, سوڭىندا قاراپايىم حالىق وپىق جەيدى. ودان كەيىن قالعان اقشامەن بوران بولسىن, جاڭبىر بولسىن, ەشتەڭەگە قاراماي ايتەۋىر, جولدى تەز-تەز ءبىتىرۋ كەرەك بولادى. ۆيدەودا شقو, كۇرشىم اۋدانى, العاباس اۋىلىنا بارار جول. مىنە, سونىڭ ايقىن مىسالى وسى. بولىنگەن اقشا جوعارىدان اۋىلعا جەتكەنشە, دوكەيلەردىڭ ۋىسىنا تۇسكەنشە, 20 سانتيمەترلىك اسفالت 15 بولادى, 15 سم اسفالت 7-8 سم بولادى, – دەيدى ول.

دەپۋتات ۆاتساپ نومەرىنە كەلگەن حاتتان ءۇزىندى جاريالادى.

«بۇگىن 29 قازان, بۇل 7 كم جولدىڭ جوندەۋ جۇمىسى. مەردىگەر جۇمىسىن باستاعاننان بەرى اۋىل حالقى كۇندە ەسكەرتۋمەن كەلەدى جكح مەكەمەسىندە اۋداندىق باسىندا تۇرىپ شاقىردى كەلمەدى تەكسەرۋشى ورگان كەلمەيدى, ەشكىم باقىلاۋعا المايدى, اۋىلدىق اكىم كەلىپ ەسكەرتۋ جاسايدى بىراق ونى تىڭدامايدى. كۇرشىم اۋدانى مەن العاباس اۋىلىنىڭ اراسى 10 كم وسىدان 4-5 جىل ءبىرىنشى سالىنعان اسفالت جولدىڭ قالىڭدىعى نەبارى 1.5 سم وسىنى تەكسەرگەن وبلىستىق انتيكور, لابوراتوريا كەلىپ العان اناليزدەن دە ساپاسىز ناتيجە شىققان. بىراق مەردىگەرگە ەشقانداي شارا قولدانعان جوق» – دەيدى اۋىلدىقتار.