ء«بىز وتەماقى مەن تۇرعىن ءۇيدى تەز الدىق» – شەت اۋدانىنىڭ تۇرعىندارى

سۋ تاسقىنىنان زارداپ شەككەن شەت اۋدانىنىڭ تۇرعىندارىنا ۇيلەر ساتىپ الىندى. باسپاناسى قىزىل سۋ باسىپ, جارامسىز بولىپ قالعان بەس وتباسى وزدەرىنە ءۇي تاڭدادى. ولار بيۋدجەت قاراجاتى ەسەبىنەن ساتىپ الىندى. الداعى كۇندەرى تاعى ءبىر وتباسىنا جاڭا ءۇي سالىنا باستايدى. ولاردىڭ اۋىلىندا ساتىلاتىن ءۇي بولماعاندىقتان جاڭاسىن سالۋ تۋرالى شەشىم قابىلداندى.

اپاتتى دەپ تانىلماعان باسقا 54 ۇيدە جوندەۋ جۇمىستارى جۇرگىزىلەدى. تۇرعىندار وسى ماقساتتار ءۇشىن وتەماقى الىپ, ماسەلەنى ءوز بەتىنشە شەشۋگە نيەت ءبىلدىردى.

كراسنايا پوليانا اۋىلىنىڭ تۇرعىنى اقمارال مۋسينا ءوز وتباسى ءۇشىن قولايلى ءۇي تاڭدادى. كوپ بالالى انا ماسەلەنىڭ تەز ارادا شەشىلگەنى ءۇشىن العىسىن ايتتى.

– ءبىز وتەماقى مەن ماتەريالدىق كومەك الدىق. ءۇيدى ءوزىمىز تاڭدادىق. اكىمدىك ۇناعان ءۇيدىڭ بىرەۋىن ساتىپ الىپ بەرەمىز دەدى. ايتا كەتەيىن, م ۇلىكتىك وتەماقى مەن تۇرعىن ءۇيدى ءبىز وتە تەز – ءبىر اپتا ىشىندە الدىق, – دەيدى اقمارال مۋسينا.

ستادنيچەنكو وتباسى ءۇشىن دە كراسنايا پوليانا اۋىلىنان ءۇي ساتىپ الىندى. نادەجدا ستادنيچەنكو – كوپ بالالى انا, وتباسىم پاناسىز قالماعانىنا قۋانىشتىمىن دەيدى.

– 30 ناۋرىز كۇنى تاڭەرتەڭ ۇيدە سۋ كىرە باستادى, – دەيدى اۋىل تۇرعىنى. – تەحنيكادان ءبىز تەك توڭازىتقىش پەن پەشتى الىپ ۇلگەردىك, قالعانىنىڭ ءبارى جارامسىز بولىپ قالدى. ءبىر-ەكى كۇن قۇربىمنىڭ ۇيىندە تۇردىق. قازىر ءبىز جوندەۋدەن وتكەن 2 بولمەلى ءۇي الدىق. ۇلكەن زالى بار, دارەتحانا مەن جۋىناتىن بولمە, ورتالىق سۋ قۇبىرى, مونشا, كومىر بار. اۋلاسىندا ءبىز باقشا سالۋدى جوسپارلاپ وتىرمىز. سونداي-اق, ماتەريالدىق كومەك پەن ب ۇلىنگەن م ۇلىك ءۇشىن وتەماقى الدىق. قازىر ءبىز تۋىستارىمىزدا تۇرامىز, بىراق جاڭا ۇيگە كوشەمىز. بارلىعى تەز شەشىلگەنىنە وتە قۋانىشتىمىن.

سونداي-اق, شەت اۋدانىندا سۋ تاسقىنىنان زارداپ شەككەندەرگە 100 اەك مولشەرىندە بىرجولعى الەۋمەتتىك كومەك جانە ب ۇلىنگەن م ۇلىك ءۇشىن وتەماقى تولەندى.

قىرىلعان مال شىعىنى وتەلدى. ولگەن مال بارلىق ۆەتەريناريالىق-سانيتاريالىق نورمالاردى ساقتاي وتىرىپ جويىلدى.

ءبىز سۋ تاسقىنى كەزىندە بەس سيىر مەن ءبىر ق ۇلىننان ايىرىلدىق, – دەيدى اقسۋ اۋىلىنىڭ تۇرعىنى ايجان قاشكەنباەۆا. – جاقىندا مال الدىق. سونداي-اق بىزگە گەنەراتور, تەلەديدار اكەلىندى. بىزدە اعاش وڭدەيتىن تەحنيكامىز, مۇزداتقىشىمىز بۇزىلدى. بۇل زالال بىزگە تولىعىمەن وتەلدى.

سۋ باسقان ەلدى مەكەندەردە قۇدىقتار مەن ۇڭعىمالاردى تۇگەندەۋ جۇرگىزىلەدى. اپتانىڭ سوڭىنا دەيىن دەزينفەكتسيالىق جۇمىستار اتقارىلادى.

كەنتىشىلىك جولداردى قالپىنا كەلتىرۋ جالعاسۋدا.